Një skenë që nuk shihet shpesh – aksident që kushton çerek milion euro: Rolls-Royce përplaset me një Lamborghini

Dëmtimi i dy makinave mund të kalojë çerek milion euro.

Rolls-Royce Ghost dhe Lamborghini Urus nuk janë të zakonshme në rrugë, dhe pjesëmarrja e njërit prej tyre në përplasje mund të konsiderohet një kuriozitet i vërtetë.

Është edhe më pak e mundshme që të dyja këto automjete janë të përfshira në një aksident trafiku, siç ndodhi në një vend të vogël afër Birmingham në Angli, transmeton Telegrafi.

Aksidenti dëshmohet nga një foto që qarkullon në rrjetet sociale këto ditë, e cila tregon Rolls-Royce duke goditur me pjesën e majtë, pjesën e pasme të djathtë të Lamborghini.

Sipas informacionit jozyrtar, fajtor për përplasjen është shoferi i Ghost, i cili dëmtoi edhe një automjet tjetër me atë rast, përveç Urus.

Siç thuhet, ai po lëvizte me shpejtësi të madhe, dhe pas përplasjes, ai u largua nga vendi i ngjarjes.

Sipas disa vlerësimeve, dëmi material i këtyre dy veturave mund të kalojë shumën e çerek milioni eurosh. /Telegrafi/

Well…this is an expensive crash. I wonder if it was the cost or another reason why the Rolls driver left the scene? Either way, we have his photo and will ask him very soon. Driver was not driving for the conditions and obviously can't handle a car like this. #Walsall E unit pic.twitter.com/PKkOHqwUcB

— Force Response (@ResponseWMP) October 13, 2020