Një aeroplan i vogël, që po udhëtonte nga Santa Rosa në Kaliforni drejt Honolulus në Havai, është përplasur tragjikisht në ujërat e Oqeanit Paqësor, rreth 64 kilometra larg bregut të Half Moon Bay, Kaliforni. Si pasojë e aksidentit ajror, gjashtë persona në bord – piloti dhe kopiloti – kanë humbur jetën.
Sipas autoriteteve, aeroplani ishte një Viking Air DHC-6-400 Twin Otter, një mjet fluturues me dy motorë turbopropelantë, i dizajnuar për të mbajtur deri në 19 pasagjerë. Ai përdoret shpesh për fluturime në distanca të shkurtra dhe në zona të vështira për t’u arritur, për shkak të aftësisë për të ulur edhe në pista të vogla ose sipërfaqe uji.
Garda Bregdetare e Shteteve të Bashkuara, pas një operacioni kërkimi të shpejtë dhe intensiv, arriti të lokalizojë mbetjet e aeroplanit të zhytura në det. Sipas raportimeve paraprake, mjeti kishte vetëm gjashtëy persona në bord – ekuipazhin fluturues – dhe të gjashtit u konfirmua se kanë vdekur në vendngjarje. Nuk kishte pasagjerë të tjerë në fluturim, shkruan newsweek.
Shkaqet që çuan në rrëzimin e aeroplanit mbeten të paqarta. Këshilli Kombëtar për Sigurinë në Transport (NTSB), në bashkëpunim me Administratën Federale të Aviacionit (FAA), ka nisur një hetim të plotë për të zbuluar rrethanat e incidentit, përfshirë analizimin e të dhënave të fluturimit dhe komunikimit të fundit me kontrollin ajror.
Incidenti ndodhi në një zonë të njohur për trafikun ajror të dendur, pranë linjave të zakonshme tregtare dhe në afërsi të Gillespie Field, një aeroport i vogël rajonal që shërben për avionë privatë dhe trajnime pilotësh.
Ngjarja ka shkaktuar shqetësim në mesin e komunitetit të aviacionit dhe ka nxitur debate të reja mbi sigurinë e fluturimeve private në rute të gjata mbi ujë. /Telegrafi/
