Një aeroplan i vogël u rrëzua në rajonin bregdetar të Kenias, Kwale, të martën herët, ndërsa ishte duke udhëtuar drejt Rezervatit Kombëtar Maasai Mara, me 12 persona që dyshohet se kanë vdekur, thanë zyrtarët.
Aksidenti ndodhi në një zonë kodrinore dhe pyjore rreth 40 kilometra nga pista e avionit Diani, thanë autoritetet, transmeton Telegrafi.
Komisioneri i Qarkut Kwale, Stephen Orinde, i tha Associated Press se operacionet në vendin e rrëzimit janë duke vazhduar dhe më shumë detaje do të jepen më vonë.
Autoriteti i Aviacionit Civil të Kenias tha se 12 persona ishin në bord të avionit dhe autoritetet po hetojnë shkakun e rrëzimit.
Rezervati Kombëtar Maasai Mara është një destinacion i njohur turistik dhe pret migrimin vjetor të antilopave nga Serengeti në Tanzani. /Telegrafi/
