Një adoleshent palestinez u qëllua për vdekje nga ushtria izraelite në Bregun Perëndimor

Masalmeh, 18-vjeç, u vra në afërsi të qytetit Hebron, sipas Ministrisë Palestineze të Shëndetësisë.

Forcat izraelite kanë qëlluar për vdekje një 18-vjeçar palestinez në qytetin e okupuar të Bregut Perëndimor në Hebron, tha Ministria Palestineze e Shëndetësisë, transmeton Telegrafi.

Ministria e identifikoi atë si Badawi Masalmeh, duke shtuar se ushtarët izraelitë morën trupin e tij pasi ai vdiq të shtunën.

Ushtria izraelite tha që forcat e saj vërejtën tre persona duke ndezur bomba zjarri në automjetet izraelite, për të cilat media lokale thanë se i përkisnin kolonëve të paligjshëm, në një rrugë aty pranë dhe qëlloi ndaj tyre.

Të dy të tjerët u arrestuan në vendin e ngjarjes, afër hyrjes së një vendbanimi të paligjshëm hebraik në periferi të Hebron.

Sipas njoftimeve të mediave lokale, mjekët nuk u lejuan të shkojnë në vendin e ngjarjes, pranë qytetit palestinez të Beit Awwa, rreth 22 kilometra në perëndim të Hebron.

Izraeli pushtoi Bregun Perëndimor dhe Jerusalemin Lindor në luftën e vitit 1967 dhe shpejt filloi të vendosë territorin e pushtuar rishtas.

Sot, rreth 700,000 kolonizues izraelitë, përveç tre milionë palestinezëve, jetojnë në të dy zonat.

Një numër i grupeve vendore dhe ndërkombëtare të të drejtave të njeriut kanë ngritur shqetësimin se forcat izraelite të sigurisë kanë përdorur forcë të tepërt kur përballen me palestinezët që kryenin sulme ose ishin të dyshuar për këtë. /Telegrafi/