Nicole Kidman ribashkohet me nënën e saj pas tetë muajsh për shkak të pandemisë së coronavirusit

Nicole Kidman u ribashkua me nënën e saj pasi kaloi tetë muaj larg për shkak të pandemisë së COVID-19.

Ajo ndau momentin e madh në Instagram me një sërë fotografish ku shfaqeshin duke u përqafuar dhe të lumtura meqë u takuan pas një kohe të gjatë.

“Ndihem aq mirë sa të jem në gjendje të përqafoj nënën time! Kanë kaluar 8 muaj. Nuk kam qenë në ditëlindjen e saj të 80-të, por tani jam këtu. Të dua Mama”, Kidman, 53 vjeçare, shkroi në mbishkrimin e fotografive.

https://www.instagram.com/p/CDYdlTEJSLV/?utm_source=ig_embed

Sipas People, Kidman së fundmi u kthye në Australi për të punuar në serialin e saj të ri, “Nine Perfect Strangers”.

Ajo, burri i saj, Keith Urban dhe dy vajzat e tyre Sunday, 12 vjeçare, dhe Faith, 9, kaluan periudhën e karantinës në shtëpinë e tyre në Malësitë Jugore të vendit.

Në qershor, Kidman festoi ditëlindjen e 53-të me urime të shumta dashurie nga miqtë dhe familja, përfshirë Urban, i cili ndau një dedikim të ëmbël në Instagram për gruan e tij prej 14 vitesh.

Para ditëlindjes, Kidman theu kyçin e këmbës ndërsa ishte në një vrapim.

Në maj, aktorja falënderoi fansat për ‘urimet e tyre të mira’.

“Faleminderit për të gjitha urimet e mira dhe dashurinë e ofruar”, ka shkruar ajo në Instagram së bashku me një selfie të saj dhe Urban. “Jam rikthyer në rrugën e duhur dhe pothuajse në këmbën e djathtë”. /Telegrafi/

https://www.instagram.com/p/CDMSFItJwfH/