Ngjarja e Galaxy Fold planifikohet për prill, telefoni do të vijë në sasi të limituar

Samsung prezantoi telefonin e palosshëm Galaxy Fold më 20 shkurt, si pjesë e ngjarjes Galaxy S10 Unpacked. Telefoni pritet të vijë në dyqane më 26 prill, duke u shitur për 1.980 dollarë.

Sidoqoftë, Samsung po planifikon një event të veçantë për Galaxy Fold, siç u zbulua nga Kate Beaumont, drejtoreshë e produkteve, shërbimeve dhe strategjisë komerciale në Samsung UK.

Samsung konsideron që Galaxy Fold do të jetë një “pajisje super premium”. Sasia e çmimit dëshmon për këtë, dhe kompania është e vetëdijshme se do të ketë një furnizim të kufizuar.

“Ne do të shohim më pak furnizim sesa me S10 në lansim, dhe gjithashtu se si pajisja performon në treg është me të vërtetë e rëndësishme për ne. Kjo është një pajisje super premium, dhe ne duam të sigurohemi se ka një shërbim të veçantë kështu që nuk do të shfaqet në të gjitha dyqanet. Ju nuk do ta shihni atë në tribuna, ne duam të sigurohemi që është një përvojë shumë personale.” – deklaroi Kate Beaumont.

E gjithë kjo do të thotë se blerja e një Galaxy Fold nuk do të jetë aq e lehtë sa të ecësh në një dyqan dhe ta marrësh atë. Pajisja ndoshta do të jetë e disponueshme në vende të zgjedhura, por Samsung nuk ka komentuar ende mbi planet e shitjes me pakicë. /Telegrafi/