Nga Rrahmani te Muriqi e Avdijaj – paraqitja e legjionarëve në fundjavë në arenën evropiane

Futbollistët shqiptarë kanë pasur një tjetër javë të mbarë në skuadrat evropiane ku paraqiten me klubet e tyre.

Shumë prej tyre ishin protagonistë kryesor në ekipet respektive duke kontribuar me gola dhe asistime.

Telegrafi në bashkëpunim me SofaScore sjell pesë futbollistët nga Kosova me notat më të larta që kanë marrë këtë xhiro.

Sulmuesi kosovar, Dionis Avdijaj ka marrë notën më të lartë 8.9 pas paraqitjes së jashtëzakonshme në ndeshjen që ekipi i tij TSV Hartberg e fitoi me rezultat 2-1 ndaj Austria Wien. Avdijaj ishte më meritori për tri pikët e arkëtuara, me dy golat e shënuar.

View this post on Instagram

A post shared by Telegrafi Sport (@telegrafisport)

Fantastik ka qenë edhe Atdhe Nuhiu që mori notën 7.9 pas golit që shënoi  në sfidën që ekipi i tij SCR Altach luajti baras 1-1 me Blau Weiss Linz.

Me notë të lartë 7.9, u vlerësua edhe Vedat Muriqi i cili shënoi golin e fitores në përballjen që ekipi i tij Mallorca e zhvilloi në udhëtim tek Celta Vigo.

Lexo po ashtu Muriqi nuk e harron dot ndeshjen në Bukuresht: Njerëzit po harrojnë që do të vdesim të gjithë një ditë, pse përzihet politika në futboll

Paraqitje pozitive pati edhe Emir Sahiti që mori notën 7.2, ndonëse ekipi i tij Hajduk Spliti pësoi humbje këtë javë nga Gorica. Për 77 minuta sa u paraqit në fushë ai pati një pasim kyç dhe nëntë duele të fituara.

Performancë të mirë pati edhe Albion Rrahmani, i cili u vlerësua me notën 7.2 në sfidën ku Rapidi i Bukureshtit luajti baras 1-1 në udhëtim ndaj Otelul Galati. Rrahmani u paraqit për 90 minuta, ku pati tri pasime kyçe, dy driblime të kompletuara si dhe pesë duele ajrore të fituara./Telegrafi/