Në raundin e parë të këngëve në gjysmëfinalen e parë të Eurovisionit ishte e qartë se një performancë la një përshtypje të paharrueshme.
Por nuk është ashtu siç prisnin fansat, me raketa, zhveshje të interpretuesve dhe një mesazh mjaft të fortë, shkruan Metro UK.
“Act Let 3”- grupi që përfaqësuan i Kroacinë sollën një performancë që u cilësua si 'kaos absolut' nga fansat, teksa interpretuan këngën e tyre “Mama SC”.
Grupi filluan performancën e tyre me një këngë që shpejt u fut në zemrat e audiencës ndërsa ata marshuan në skenë të veshur me uniforma të ndryshme ushtarësh dhe mustaqe sportive.
Mesazhi kundër luftës u këndua nga grupi i përbërë nga pesë muzikantë: Damir Martinoviq, Zoran Prodanoviq, Ivan Bojçiq, Drazhen Baljak dhe Matej Zec.
LIVERPOOL, ENGLAND - MAY 08: Let 3, representatives for Croatia, perform during the first dress rehearsal for Semi Final 1 of the Eurovision Song Contest 2023 at M&S Bank Arena on May 08, 2023 in Liverpool, England. (Photo by Anthony Devlin/Getty Images)
Ndërsa performanca e tyre tre minutëshe vazhdoi, ajo u bë gjithnjë e më e egër, duke përsëritur fjalët: "Nëna bleu një traktor".
Në fund, palltot e ushtarëve ishin hedhur tutje ndërsa këngëtarët u zhveshën në të brendshme, duke mbajtur raketa gjigante në skenë ndërsa tërboheshin nga lufta.
Fansat e donin çdo sekondë këngën, dhe reaguan menjëherë me komente në rrjetet sociale.
“Kroacia: Eurovisioni klasik – krejtësisht i bezdisshëm, nuk e di se çfarë po ndodh, gjuha amtare, kaos absolut. E dua atë. 8/10”, ka shkruar një fans.
Dikush tjetër shkroi: "Unë mendoj se ky Eurovision mund të ketë arritur kulmin e Eurovisionit tashmë në gjysmëfinalen e parë me këtë performancë nga Kroacia".
“Kroacia është gjithçka rreth Eurovisionit”, tha dikush tjetër.
“Kroacia e kuptoi detyrën”, shkroi një tjetër. /Telegrafi/
