Nga Afrika në drejtim të Evropës po përhapet një valë e të nxehtit, në kryeqytetin e Tunizisë regjistrohet temperatura rekord – 49 gradë Celsius

Një valë e të nxehtit po përhapet nga veriu i Afrikës në drejtim të jugut të Evropës, kështu ka paralajmëruar mbrëmë në Twitter, meteorologu skocez, Scott Duncan.

Sipas tij, në kryeqytetin e Tunizisë mbrëmë është regjistruar temperatura prej 49 gradë celsius, duke thyer rekordin e korrikut të vitit 1943 kur u regjistrua 47.4 gradë, transmeton Telegrafi.

“Ky është vetëm fillimi i valës së nxehtë”, ka shkruar ai duke theksuar se mbrëmë në Sicili është regjistruar temperatura prej 47 gradë Celsius.

Ferocious heat spreading out of North Africa into Southern Europe right now.

This is the highest temperature ever recorded in the capital of Tunisia. Average high temperature in August is usually around mid 30s Celsius.

This is just the beginning of an atrocious heatwave. pic.twitter.com/tn5xEsk2SX

— Scott Duncan (@ScottDuncanWX) August 10, 2021

Duncan ka paralajmëruar se kjo valë e të nxehtit pritet ta godet edhe Spanjën. Scott Duncan është meteorolog skocez që jeton dhe punon në Londër.

Ka punuar në segmente të ndryshme të industrisë së meteorologjisë, e së fundmi parashikon motin dhe analizon klimën për tregun e energjisë elektrike. /Telegrafi/