Nëse jeni djegur, ndiqni këto masa urgjente për të mos mbetur shenja

Nëse aksidentalisht jeni djegur me hekur apo ju është derdhur kafeja e nxehtë, duhet të vraponi menjëherë për në kuzhinë për të ndjekur disa trajtime në mënyrë që të mos mbeten shenja nga djegia

Uji i ftohtë

Për të shmangur përhapjen e plagës, lëreni zonën e djegur në ujë të ftohtë për disa minuta. Ju mund të aplikoni edhe një qese me akull në zonën e djegur. Bëjeni shpesh gjatë orëve të para derisa t’ju lehtësohet dhimbja.

Lëng qepe

Sulfuri dhe kurecetina e gjendur tek qepët largon shenjat dhe qetëson dhimbjet. Përdorni qepë të freskëta dhe aplikojeni lëngun në zonën e djegur. Bëjeni këtë disa herë në ditë.

Aloe Vera

Aloe Vera trajton djegiet aksidentale dhe djegiet nga dielli, ka veti natyrale antiseptike, qetëson dhimbjet dhe shëron indet. Aplikoni xhel aloe Vera në zonën e djegur.

Patate e gjallë

Patatet kanë veti qetësuese dhe anti-irrituese, të cilat largojnë dhimbjet dhe pakësojnë shanset që të bëhen flluska nga djegia. Prisni një fetë patate dhe aplikojeni në zonën e djegur.

Mjaltë

Kur aplikohet në zonat e djegura, mjalti largon lëngjet nga indet. Kjo bën që të largohen bakteret e këqija dhe pastron zonën e djegur. Përhapeni mjaltin në një fashë dhe aplikojeni në zonën e djegur. Ndërrojeni fashën katër herë në ditë.

Bustina çaji të zi

Acidi tanik i gjendur tek çaji i zi shëron plagët e djegura, redukton dhimbjen dhe inflamacionin. Vendosni bustinat e çajit në ujë të ftohtë dhe lërini për disa minuta, më pas aplikojini në zonën e djegur.

Vaj kokosi dhe lëng limoni

Përdorni vaj kokosi me pak lëng limoni për të trajtuar djegiet dhe për të mos rrezikuar shenja. Aplikojeni direkt në lëkurë, dy herë në ditë.

Uthull

Uthulla është një antiseptik natyral, ajo mund të parandalojë infeksionin dhe të trajtojë djegiet. Përzieni një sasi të barabartë uji me një sasi të barabartë uthulle. Zhysni një napë në këtë përbërje dhe aplikojeni në zonën e djegur. Bëjeni dy herë në ditë. /Telegrafi/