Nëna nga Paraguaji ia shiti dilerit vajzën 3-vjeçare për 11 euro, në këmbim të drogës – ai e përdhunoi dhe vrau

Pamjet e kamerave të sigurisë tregojnë se 3-vjeçarja Luz Maida po rrëmbehet nga një burrë, i cili më vonë do ta përdhunonte dhe vriste në orët e para të mëngjesit të së premtes në Pedro Juan Caballero, Paraguai.

Nëna e saj Aurelia Salinas (42) ia shiti të dashurit të saj në këmbim të drogës me vlerë prej 11 euro, transmeton Telegrafi.

Pak më shumë se 24 orë më vonë, trupi i përgjakur i Luzit u gjet në një shtëpi të braktisur.

Policia nuk ka dhënë emrin e sulmuesit, por bëhet e ditur se ka dhunuar dhe vrarë një vajzë trevjeçare.

Trupi i saj i vogël u gjet i mbështjellë me një bluzë. Ajo u gjet në shtratin e një shtëpie të braktisur, shkruan Daily Mail.

Vendasit e zemëruar dyshohet se u përpoqën të linçonin nënën e saj pasi rrëfeu në polici se çfarë kishte ndodhur.

I dashuri i saj më vonë pranoi vrasjen, raportuan mediat lokale. Më shumë se 300 vendas morën pjesë në funeralin e Luzit, dhe disa fqinjë dogjën shtëpinë ku u gjet trupi i vajzës së vrarë.

Aurelia Salinas ka shtatë fëmijë të tjerë, duke përfshirë një vajzë 12-vjeçare, e cila dyshohet se lejoi të abuzohej seksualisht nga një burrë 30-vjeçar. /Telegrafi/