Nëna e kap për flokë dhe e ngrit në ajër vajzën 3-vjeçe, e akuzonte se ia kishte humbur tabletin (Video, +18)

Tre fëmijë janë marrë nën përkujdesin e shtetit në Argjentinë, pasi një video që ka qarkulluar së fundmi në internet, shfaq nënën e tyre duke rrahur brutalisht njërin prej tyre në shtëpi.

Videoja e publikuar në internet, tregon se si gruaja e nervozuar e kap për flokë vajzën e madhe (3-vjeçe) dhe e ngrit në ajër dhe më pas e përplas për tokë – duke e akuzuar se ia kishte humbur tabletin, transmeton Telegrafi.

Ngjarja e tmerrshme është filmuar nga një dëshmitarë i paemëruar në shtëpinë e gruas së dhunshme në qytetin Bahia Blanca, në pjesën lindore të Argjetinës.

Ngjarja fillon kur nëna godet vajzën e saj dhe e akuzon se “ia kishte vjedhur tabletin”. Ajo dëgjohet duke i bërtitur vogëlushes: “Si është e mundur që nuk po të kujtohet ku e ke lënë?”

“Ma jep tabletin, këtu e kishe kur erdha. Ma jep ose do të vrasë”, ka shtuar ajo.

Ndërkaq, vogëlushja e tmerruar nga frika mbulohet me batanije, derisa nëna e saj vazhdon ta sulmojë. Dhe në një moment ajo e humb durimin totalisht, dhe e kap për flokë dhe e ngrit në ajër sikur të ishte kukull dhe më pas e përplas për tokë.

Por, menjëherë kanë reaguar policia dhe autoritetet lokale të cilët i morën në përkujdesje vogëlushen dhe dy vëllezërit e saj. Ndërkaq, nuk dihet nëse nëna e dhunshme është burgosur apo është ngritur padi kundër saj. /Telegrafi/