Neki Emra zbulon gjashtë thëniet që e frymëzojnë

“Ti je special, puno me shumë sesa që paguhesh, herët ose vonë do të realizohet suksesi”, ju thotë Neki Emra.

Njihet për interpretimin e këngëve të vjetra qytetare, por edhe me shumë ka bërë bujë me baladat e tij. Ani pse të publikuara para disa viteve, edhe sot i dëgjojmë këngët: “Të vdes apo të pres” si dhe “Më heshtje mos më dëno”.

Por, interpretuesi i tyre Neki Emra, jo gjithmonë dinë t’i këndoj vetëm dhimbjes, dhe një dashurie të humbur.

Ai ekskluzivisht për lexuesit e rtv21 ka ndarë disa thënie frymëzuese, të cilat atë e inspirojnë në jetë dhe karrierë.

Gjithmonë puno me shumë sesa që paguhesh, për tu paguar më shumë sesa punon!
Ti je special dhe je i veçantë (Unik) gjithmonë!
Nëse Beson 100% në SUKSES, herët ose vonë do të realizohet Suksesi.
Një buzëqeshje nga ti mund t’i jep lumturi çdokujt, edhe nëse atij që i dhurohet, nuk të do.
I fortë do të jesh atëherë kur të ngritësh nga goditjet më të mëdha që i merr, jo atëherë kur të jesh në majë të suksesit, nga ngritja pas goditjës, do të ngrihesh shumë më i fortë se kur ishe para goditjes…
Kur jeta t’i jep 100 arsye që të dorëzohesh përballë sfidave, tregoi jetës që i ke 1000 arsye për sukses përballë tyre.

Duket se këto thënie frymëzuese, janë duke e inspiruar edhe tani këngëtarin, pasi që po punon në projekte të reja. Ai ka treguar se është pjesëmarrës në Festivalin e 55 në RTSH, me këngën “Dashuri dhe urrejtje”, ku për muzikën është përkujdesur vet.