Në spitalet e Kosovës 880 pacientë me coronavirus, 33 në gjendje të rëndë

Shërbimi Spitalor dhe Klinik Universitar i Kosovës (SHSKUK) ka njoftuar se në klinikat e QKUK dhe spitalet rajonale po trajtohen 880 pacientë nga COVID-19, prej tyre 729 të konfirmuar me këtë virus, ndërsa 679 pacientë po trajtohen me oksigjeno- terapi, kurse 33 janë në gjendje të rënduar shëndetësore.

Sipas raportimit të ditës së diel në klinikat e Qendrës Klinike Universitare janë të shtrirë 357 pacientë që po trajtohen për COVID-19, prej tyre 294 të konfirmuar me këtë virus, prej, ku 33 janë në gjendje të rënduar.

Ndërkaq, në spitalet rajonale janë të shtrirë 523 pacientë dhe 20 prej tyre janë në gjendje të rëndë shëndetësore.

Raporti i plotë i SHSKUK:

“ShSKUK po trajton 880 pacientë nga Covid-19

Nga raportime e ditës së diele, 28 mars 2021, të klinikave Covid dhe spitaleve të përgjithshme, në kuadër të Shërbimit Spitalor Klinik dhe Universitar të Kosovës janë duke u trajtuar 880 pacientë nga Sars- Cov-2.

729 janë të konfirmuar me Sars-Cov-2 pozitivë.
151 pacientë janë të dyshuar, në pritje të rezultateve.
33 pacientë janë në gjendje të rënduar shëndetësore
679 janë nën asistim të okisgjeno-terapisë

Në QKUK janë të shtrirë 357 pacientë
13 në gjendje të rënduar
294 të konfirmuar me Sars Cov-2 pozitivë
298 me oksigjeno-terapi

Numri i pacientëve të shtrirë sipas klinikave

Klinika Infektive, 117 pacientë
Klinika Infektive II ( mjekësia sportive), 89 pacientë
Klinika Infektive III ( Interno), 30 pacientë
Klinika e Pulmologjisë 89 pacientë
Klinika e Gjinekologjisë, 9 paciente
Mjekimi Intensiv -COVID, 9 pacientë
Klinika e Pediatrisë, 7 pacientë

Në spitalet e përgjithshme janë të shtrirë 523 pacientë

20 në gjendje të rënduar shëndetësore
435 të konfirmuar pozitivë
381 me oksigjeno-terapi

Numri i pacientëve të shtrirë sipas spitaleve të përgjithshme

Spitali i Prizrenit, 126 pacientë
Spitali i Gjakovës, 90 pacientë
Spitali i Pejës, 74 pacientë
Spitali i Gjilanit, 118 pacientë
Spitali i Ferizajt, 60 pacientë
Spitali i Mitrovicës,34 pacientë
Spitali i Vushtrrisë, 21 pacientë

Që prej 13 marsit 2020, e deri më 27 mars, 2021, në Kosovë janë regjistruar 87,067 raste me coronavirus.

Prej tyre, 1.830 raste kanë përfunduar me fatalitet, ndërkaq, 71.813 persona janë shëruar. Raste aktive janë 13.424. /Telegrafi/