Policia e Kosovës ka bërë të ditur se ka intervistuar një person, pasi të njëjtit në çantën e dorës i është gjetur një pistoletë me pesë fishekë.
Rasti ka ndodhur në Istog.
“26.03.2026 – 16:30. Është ndaluar automjeti me targa vendore me drejtues të dyshuarin mashkull kosovar, gjatë kontrollit në çantën e dorës i është gjetur dhe konfiskuar një pistoletë dhe një karikator me pesë fishekë”, thuhet në raport.
Pas intervistimit me urdhër të prokurorit kujdestar i dyshuari është liruar në procedurë të rregullt. /Telegrafi/
