Njollat e deodorantit mund të jenë frustruese dhe shpesh duken pothuajse të pamundura për t'u hequr, por me disa përbërës, ato mund të hiqen në mënyrë efektive.
Shumë njerëz përpiqen t’i lajnë rrobat më shumë se një herë, ose përdorin kimikate të ndryshme zbardhuese nëse rrobat janë të bardha, për t’u çliruar nga këto njolla. Megjithatë, ndodh shpesh që kjo metodë pastrimi vetëm sa e përkeqëson situatën.
Ekspertët zbulojnë disa metoda për heqjen e njollave dhe pohojnë se rrobat tuaja do të duken ashtu siç i keni blerë për herë të parë.
Një përzierje uji dhe lëngu limoni është efektive në heqjen e njollave të deodorantit, dhe i gjithë procesi është i lehtë për t’u aplikuar. E tëra çfarë duhet të bëni është të aplikoni një përzierje uji dhe lëngu limoni në përmasa të barabarta mbi njollën, ta lini veshjen në diell për një orë, pastaj ta shpëlani dhe ta lani në lavatriçe si zakonisht.
"Veprimi natyror i lëngut të limonit dhe rrezeve të diellit e bën këtë metodë efektive për heqjen e njollave të deodorantit, veçanërisht në rrobat me ngjyra të çelëta", shpjegojnë ekspertët.
Nëse keni njolla të verdha nga deodoranti, mund të provoni edhe një përzierje sode buke dhe uji. Në përputhje me rrethanat, duhet të përzieni sodën buke dhe ujin në një raport 3:1, të bëni një pastë dhe ta aplikoni në njollë. Lëreni të veprojë për disa orë, pastaj lani rrobat me ujë të nxehtë.
