Naomi Campbell ka zbuluar sekretin e dukjes rinore! (Foto)

Naomi nuk ka nevojë veçanërisht të prezantohet. Të gjithë në botën e modës e njohin kush është ajo.

Anëtare e ekipit të famshëm të supermodeleve të para “origjinale” (krahas Linda Evangelista dhe Christy Turlington), ikona e modelimit ende nxit vëmendje dhe reagime të njëjta si në fillim të viteve ‘90 të shekullit të kaluar kur ka mbizotëruar pistat në gjithë botën.

Naomi ka arritur që të qëndrojë në botën e modës më shumë se 25 vjet dhe ende është njëra ndër personat më me ndikim të modës, transmeton Telegrafi.

Campbell gjithashtu është dikush që gjithmonë ka luftuar për llojllojshmëri në modë, ka inspiruar të rejat afro-amerikane që ta provojnë veten në modelim, si edhe dikush që ka marrë pjesë në hit-seritë siç janë ‘American Horror Story’ dhe’Empire’.

Në karrierën time të tashme, më së shumti jam krenare për…

Puna komplet. Nuk mund të ndaj vetëm një segment. Jam krenare për gjithë karrierën, të gjitha angazhimet të cilat i kam realizuar dhe për faktin që akoma po qëndroj kaq gjatë në modë.

Pasioni im kreativ është…

Organizata ime e bamirësisë – Fashion For Relief, pastaj pasioni në projekte të cilat jam producente, në të cilat kam qenë mentore e shumë njerëzve të rinj”.

Ikona ime e modelimit është…

Iman!

Sekreti im i bukurisë…

Hidratimi, i jashtëm dhe i brendshëm. /Telegrafi/