Radja Nainggolan mbrëmë ka udhëhequr Romën si kapiten në përballje ndaj Chelseat.
Belgu zbriti në fushë ndaj skuadrës që e kërkoi me ngulm madje që kishte ofruar 60 milionë euro për të por që ishin refuzuar nga Roma.
‘Giallorosët’ treguan se janë një skuadër e madhe duke shkrirë epërsinë e Chelseat nga 2-0 në 2-3 dhe në fund përfundoi ndeshja në barazim 3-3.
“Është e çuditshme pasi ishim 3-3 dhe ne ndjeheshim shumë më të fortë në fushë. Megjithatë është një rezultat i mirë për ne”, u shpreh Nainggolan.
“Jemi të pakënaqur për golat e pësuar pasi kemi mundur t’i përmirësojmë disa gjëra. Kemi luajtur më mirë se Chelsea dhe kjo ka rëndësi”, u shpreh Ninja.
Krejt në fund Nainggolan ka treguar edhe njëherë se nuk është pishman që refuzoi t’i bashkohet Chelseat për të mbetur pjesë e Romës.
“Jam i bindur se të fitosh diçka të rëndësishme në Romë do të jetë e paharrueshme”.
“Jam shumë i lumtur në Romë, nuk dua të ndryshoj skuadër dhe për këtë nuk jam pishman që kam qëndruar”, përfundoi Nainggolan.
Pas tri ndeshjeve në Ligën e Kampionëve, Roma zë pozitën e dytë në grup me pesë pikë, dy më pak se Chelsea në vendin e parë dhe tri më shumë se Atletico në pozitën e tretë. /Telegrafi/
