Mustafi te Arsenali, kaq milionë euro i takojnë edhe Sampdorias

Shkodran Mustafi shumë shpejtë pritet të zyrtarizohet si lojtar i Arsenalit.

Arsene Wenger dje deklaroi se mbrojtësi ka kryer testet mjekësore, por kanë mbetur të rregullohen edhe disa dokumente deri të finalizimi i marrëveshjes.

Nga shitja e Mustafit te Arsenali, do të përfitojë edhe ish skuadra e tij, Sampdoria, nga ku ai i transferua te Valencia.

‘SampNews24’ shkruan se Sampdorias do t’i takojnë 10 për qind e tarifës që Valencia do të përfitojë nga shitja e Mustafit, përcjell Lajmi.net, sipas një klauzole që ishte vendosur mes këtyre dy skuadrave në vitin 2014.

Lexo po ashtu Këtu mund ti lexoni të gjitha lajmet rreth transferimeve

Skuadra italiane do të përfitojë 5 milionë euro nga shitja prej 50 milionë euro e Mustafit.

Madje këto 5 milionë euro, kanë bërë që kaq shumë të vonohet edhe arritja e marrëveshjes mes Arsenalit dhe Valencias, ku këta të fundit kërkonin të të merrnin sa më shumë nga anglezët, duke e ditur se një pjesë e saj i takon Sampdorias.

Mustafi i ishte bashkuar Sampdoras në vitin 2012 nga Evertoni, dhe për skuadrën nga Serie A ka regjistruar 50 paraqitje.