Ministri i Punëve të Brendshme, Flamur Sefaj, ka pritur në takim nënkryetarin e Kuvendit të Kosovës, Slavko Simiq dhe deputetin e Lista Serbe Igor Simiq, me të cilët bisedoi për mundësitë e lehtësimit të pajisjes së qytetarëve serbë me dokumente personale të Kosovës.
Me këtë rast ministri Sefaj shprehu gatishmërinë e tij dhe të MPB-së në angazhimin konkret për të pajisur të gjithë qytetarët e Republikës së Kosovës me dokumente bazë të gjendjes civile.
