Mourinhon e kapi paniku kur voziti autobusin – portugezi ishte afër të shkaktonte aksident

Pas gjithë këtyre viteve, Jose Mourinho më në fund arriti të parkojë autobusin realisht.

Trajneri legjendar portugez u filmua duke vozitur autobusin e Romës pak para fillimit të paradës pasi Giallorossët fituan Ligën e Konferencës.

Mijëra tifozë u dolën në rrugët e qytetit të tyre historik, pasi skuadra ngriti trofeun e parë evropian pas 61 vitesh.

Lexo po ashtu Jose Mourinho me lot në sy pas finales: Sot jam 100 për qind romanist

Ata fituan Ligën e Konferencës së Evropës falë fitores 1-0 ndaj skuadrës holandeze, Feyenoord të mërkurën në mbrëmje.

Nicolo Zaniolo shënoi golin e vetëm të ndeshjes në përfundim të pjesës së parë.

Skenat pas fishkëllimës treguan se sa shumë do të thoshte kjo për të gjithë ata që lidhen me Romën, përfshirë Mourinhon, i cili i ka fituar të gjitha gjatë karrierës së tij të shkëlqyer si trajner.

Lexo po ashtu Çfarë simbolizonin pesë gishtat e Jose Mourinhos që i ngriti lartë – tashmë portugezi është i përjetshëm në botën e futbollit

59-vjeçari u përpoq të mbante lotët gjatë një interviste emocionale pas ndeshjes. Mund të ketë qenë ‘vetëm’ Liga e Konferencës, por padyshim që kishte rëndësi.

Pamjet fantastike të Mourinhos duke drejtuar autobusin para fillimit të paradës janë postuar tani në rrjetet sociale dhe duke qesharake, por edhe të bukura.

Jose Mourinho got to drive the Roma parade bus before the parade started 😭😭😭 pic.twitter.com/jEQS67N2Ck

— J (@MourinhoPics) May 27, 2022

Në një moment, portugezin e kapi paniku, pasi nuk arriti ta frenonte autobusin, mirëpo ja doli pa shkaktuar ndonjë dëm.

Është thënë shpesh se ai është një strateg që i pëlqen të parkojë autobusin, por aftësitë e tij në drejtimin e makinës në fakt lënë shumë për të dëshiruar – siç edhe mund ta shikoni në videonmmë poshtë. /Telegrafi/