Mourinho te PSG? Roma ka gjetur zëvendësuesin e tij

Roma është duke monitoruar situatën e trajnerit të Bolognas, Thiago Motta, i cili shihet si një zëvendësues i mundshëm i Jose Mourinhos.

E ardhmja e portugezit te Giallorossët është aktualisht e pasigurt, me klubin që duket se po lufton për t’u kualifikuar në top katërshe dhe ish-trajneri i Tottenhamit vazhdimisht lidhet me një lëvizje te Paris Saint-Germain.

Raportimet në Itali kanë thënë më parë se nëse Roma nuk përfundon brenda katërshes së parë, Mourinho do të largohet nga klubi.

Lexo po ashtu PSG në bisedime me agjentin e Mourinhos, portugezi mund ta marrë drejtimin e parisienëve

Il Messaggero sot ka raportuar se ndërsa Special One do të mbajë bisedime me klubin në fund të sezonit, Giallorossët tashmë janë duke bërë përgatitjet për një largim të mundshëm. Thuhet se kur Mourinho u duk i tunduar nga oferta e kombëtares portugeze, Thiago Motta është dikush që u vëzhgua shumë dhe kështu vazhdon të jetë.

Nëse ai largohet, italiani mund të jetë një kandidat kyç për të zëvendësuar ish-trajnerin e tij. Drejtori sportiv Tiago Pinto thuhet se ka një dëshirë të madhe për Roger Schmidt të Benficas dhe Ruben Amorim të Sporting.

Skenari i ëndrrave do të ishte emërimi i Antonio Contes, por mund të jetë një barrë masive financiare për klubin. /Telegrafi/