Mourinho flet pas fitores ndaj Leedsit dhe zgjedh ekipin e tij të preferuar anglez për ta parë duke luajtur

Jose Mourinho ka zgjedhur Aston Villan si ekipin e tij të preferuar për të parë në Ligën Premier, ndërsa këto deklarata i ka dhënë pasi Tottenham Hotspur mposhti Leeds Unitedit këtë të shtunë.

Spurs fituan pastër 3-0 ndaj Leedsit, me trajnerin e tyre portugez Mourinho, i cili edhe një herë merr më të mirën ndaj trajnerit Marcelo Bielsa.

Skuadra e Bielsas ka fituar shumë admirues këtë sezon, por Mourinho nuk është tifozi i tyre më i madh.

𝗙𝗨𝗟𝗟-𝗧𝗜𝗠𝗘 ⏱️ A strong display at Tottenham Hotspur Stadium as we return to winning ways in the @PremierLeague!

⚪️ #THFC 3-0 #LUFC 🟤 pic.twitter.com/MPmcVWtEg5

— Tottenham Hotspur (@SpursOfficial) January 2, 2021

Sfida e tij e radhës në Ligën Premier do të shohë Spurs të ndeshen me Aston Villan, me 57-vjeçarin që pret një provë të ashpër kundër skuadrës së Dean Smith.

“Leeds është i vështirë dhe Aston Villa është ekipi im i preferuar në Ligën Premier për momentin”, ka thënë fillimisht Mourinho për BT Sport.

“Më pëlqen t’i shikoj, ata kanë lojtarë të mirë dhe janë shumë të stërvitur. Kjo do vazhdoj të jetë edhe më tej kështu”, përfundoi portugezi. /Telegrafi/