I moshuari përshkon oqeanin për 4 muaj me një fuçi (Foto)

Një francez që ka kaluar më shumë se katër muaj duke lundruar nëpër Oqeanin Atlantik në një fuçi gjigante, ngjyrë portokalli ka arritur në destinacionin e tij, Karaibe.

Jean-Jacques Savin u nis nga Ishujt Kanarie, jashtë brigjeve të Afrikës, më 26 dhjetor 2018 – duke shkuar në perëndim në një kapsulë të formës së fuçisë që e ndërtoi vetë.

71-vjeçari i kaloi katër muajt e parë të vitit 2019 në fuçinë e tij, duke udhëtuar rreth dy kilometra në orë pa motor.

Ai habiti vendasit kur erdhi në breg të detit në ishullin e vogël holandez Karaibe të Shën Eustatiusit pak pas mesnatës së javës së shkuar.

“Gjithçka e ka një fund … më në fund, këtu jam në fund të kësaj aventure”, shkroi ai në Facebook të premten, pasi shkeli tokën për herë të parë këtë vit.

Një qendër zhytjeje në Shën Eustatius përshëndeti Savinin, duke shtuar në Facebook se atij iu dha edhe një dhomë hoteli në ishull, i cili ka një popullsi prej vetëm 3,000 vetësh.

“Disa u çuditën dhe pyesnin nëse po e arrestonin atë “, tha për CNN, banori i St Eustatius, Dorette Courtar, i cili shikonte që fuçia i tij u tërhoq në breg nga një vinç. “Të tjerë, si unë, u mahnitën nga ky udhëtim dhe teknologji”.

Shtatëdhjetëvjeçari udhëtonte vetëm në anijen e tij të punuar me dorë, e cila ishte rreth 10 metra e gjatë dhe  7 metra e gjerë dhe përfshin një kuzhinë dhe shtrat të vogël dhe hapësirë ​​për ruajtje. Ai ushqeu veten me peshqit e kapur nga oqeani. /tch/