Moratti: Interi mund ta fitojë titullin

Ish-presidenti legjendar i Interit, Massimo Moratti beson se nuk është utopike që Nerazurrët të ëndërrojnë për titullin kampion apo Scudetton në Serie A.

Nerazzurrët janë ende të pamposhtur në Serie A dhe fituan ndaj Atalantas me rezultat 2-0 në mbrëmjen e së dielës.

Kjo fitore e rikthej Interin në pozitën e dytë, me dy pikë më shumë se Juventusit në vendin e tretë dhe dy pikë prapa Napolit lider.

Lexo po ashtu Moratti: Më mungon presidenca e Interit

Pas kësaj fitore ka folur ish-presidenti i Interit, Moratti, i cili mendon se Interi mund ta fitojë titullin kampion këtë sezon në Serie A.

“Scudetto? Nuk është utopike”, ka thënë fillimisht Moratti për gazetarët italianë.

“Për fat të mirë është më mirë të mos flasim për këtë sepse Interi po luan seriozisht, është një skuadër solide që po merr pikë nga merita”.

Lexo po ashtu Moratti: Fitoren e derbit e ndjeva shumë, mund ta mposhtim Napolin dhe të shkojmë për titull  

“Ne mund të mendojmë për Scudetton, por kemi filluar me qëllim që të hyjmë në Ligën e Kampionëve, kështu që le të mbetemi aty tani për tani”.

“Jam i befasuar nga rezultatet e Juventusit, ata janë shumë të fortë, por nuk presin rezultate negative”.

“Nuk jam i befasuar nga Interi, sepse si një tifoz i futbollit unë jam një ëndërrimtar i parë”, përfundoi presidenti legjendar i Interit. /Telegrafi/