Momenti interesant nga ‘klasikja gjermane’, Neuer mposhti Haalandin në një duel ajror

Bayern Munich shtoi trofeun e Superkupës së Gjermanisë 2021 në koleksionin e tyre të madh të trofeve të martën në mbrëmje, pasi mposhten në finale rivalët e Borussia Dortmundit.

Kampionët e Bundesligës mposhtën rivalët e hidhur të Dortmundit me rezultat 3-1 në Signal Iduna Park, falë dy golave ​​të Robert Lewandowski dhe një të Thomas Muller, ndërsa për verdhezinjtë shënoi Marco Reus.

Reus shënoi një gol të bukur dhe ajo ishte mënyra e vetme për ta mposhtur portierin në formë të Bayern Munich, Manuel Neuer.

Lexo po ashtu Tjetër Superkupë për Bayernin, mposht Dortmundin dhe zgjat rekordin

Neuer bëri një pritje të jashtëzakonshme për të mohuar Reus nga distanca e afërt në pjesën e parë dhe ishte një komandues i ekipit midis shtyllave gjatë gjithë ndeshjes.

Dhe në fund të pjesës së dytë, 35-vjeçari madje arriti të mundë yllin e Dortmundit, Erling Haaland në një duel ajror pasi doli nga vija e portës së tij.

Neuer fillimisht largoi keq një top dhe nga ai top i kthyer ai u desh të luftonte në ajër me Haalandin, të cilin e mposhti për herë të dytë në pak sekonda.

Ky ishte njëri nga momentet interesante të Klasikes Gjermane dhe loja e Neuer po vlerësohet lartë nga të gjithë. /Telegrafi/

Haaland with a Zlatan like challenge pic.twitter.com/rFyHjUI1MW

— Daniel L (@DJLuciano2151) August 17, 2021