Deputeti nga radhët e PSD-së, Dardan Molliqaj, në seancën e Kuvendit ka folur për deklaratat që i ka bërë deputeti i Vetëvendosjes, Glauk Konjufca ndaj tij.

Molliqaj ka thënë se deputeti Glauk Konjufca ishte pjesë e SHIK-ut në vitin 2000-2001.

“Meqenëse ai ka thënë se unë isha pjesë e SHIK-ut, unë po tregoj se kur ishte Glauku pjesë e SHIK-ut. Viti në të cilin Glauk Konjufca ka shërbyer në SHIK, është viti 2000-2001. Paga e tij ishte 150 marka. Rekrutimin e ka bërë Fadil Lepaja. Letrat që vinin në SHIK, Glauku me kolegë të tjerë të SHIK-ut i përpunonin dhe i futnin në të dhëna. Arsyeja e largimit ishte paga e ulët. Këto dhe shumë fakte të tjera tregojnë që Glauk Konjufca ka qenë zyrtar në SHIK”, ka thënë ai.

Molliqaj ka theksuar se deputeti Konjufca nuk dëshiron të ballafaqohet me të vërtetën.

Molliqaj – Konjufcës: Për SHIK-un nuk mund të shpëtojë as Burdushi (Video) Molliqaj – Konjufcës: Për SHIK-un nuk mund të shpëtojë as Burdushi (Video)

“Glauku bashkë me bashkëpunëtorët e tij po hezitojnë të ballafaqohen me të vërtetën. SHIK-u si organizatë ka kryer veprime kriminale, por jo secili që ka qenë aty ka bërë veprime të tilla. Dikush që akuzon e se pranon të kalaurën e vet, është i rrezikshëm në politik”, ka thënë ai.

Konjufca në Debat Plus: Molliqaj të merr Salih Salihun dhe tërë SHIK-un dhe përballemi në gjykatë Konjufca në Debat Plus: Molliqaj të merr Salih Salihun dhe tërë SHIK-un dhe përballemi në gjykatë

Molliqaj i është drejtuar Konjufcës duke i thënë se kredibiliteti i tij politik ka rënë dhe se shpëton dot askush.

“Glauk nuk të pshton Kadrija, që po sillet si shefi yt. Glauk të pshton vetëm e vërteta. Glauk ta kanë lëshuar Burdushin nga burgu, dhe mund ta vizitosh por nuk të shpëton. As gjykata nuk do të shpëtoj, ti e din që kjo është gjë e vertetë që ti e ke konfirmu. Mu më vjen marre prej teje, sepse ka deputet që e din këtë. Kredibiliteti yt politik ka rënë tërësisht sepse ka njërëz që e din këtë që e thash. Si do ta kritikosh tani Kadri Veselin. Mundesh me shku te Burdushi e ndoshta të ndihmon e kalon këtë krizë”, ka thënë ai./Telegrafi/