Kreu i PSD-së, Dardan Molliqaj, ka thënë se, është koha që të ndryshohen masat që po e fusin Kosovën në një krizë të thellë ekonomike.
Përmes një shkrimi në Facebook, ai thotë se duke parë vendet e tjera që kanë ndryshuar këto masa ndaj Covid-19, do të ishte e nevojshme që të ndryshoheshin edhe në Kosovë, pasi siç thotë kanë pasur efekte negative.
“Tash, kur kaluan disa javë prej vendosjes së masave të rrepta për ta parandaluar shpërndarjen e COVID-19, të dhënat nga shtete të ndryshme që zbatuan masa të ndryshme na e qartësojnë se cilat masa ishin të suksesshme e cilat jo. Qeveria e Kosovës ndërmorri një sërë masash të përgjithshme të zbatuara në shtete të tjera, pa e marrë parasysh fare kontekstin dhe pa i përshtatur ato me nevojat e vendit tonë. Efekti pozitiv i këtyre masave ishte ngadalësimi i shpërndarjes së virusit, mirëpo kjo nuk ndodhi në të gjitha shtetet. Ndërsa efekte negative të këtyre masave të pamenduara mirë ka shumë”, ka thënë Molliqaj.
Sipas tij, marrja masave të tilla të pamenduar mirë, kanë krijuar dëme ekonomike në vendin tonë.
“Duke qenë se këto masa ishin të përgjithshme, me ç’rast të njëjtat masa u ndërmorën si ndaj shoqërisë në përgjithësi ashtu edhe ndaj grupeve të rrezikuara (të moshuarit dhe qytetarët me probleme të tjera shëndetësore). Kësisoj, anipse qëllimi ishte t’i ruajnë grupet e rrezikuara, këto masa veçse i rrezikuan këto grupe. Në anën tjetër, dëmet ekonomike që tashmë kanë filluar të shihen në vendin tonë e që parashihen të jenë shumë të rënda, do të ndikojnë drejtpërdrejt në shëndetin publik të qytetarëve të vendit tonë për shkak të humbjes së vendeve të punës, rritjes së varfërisë dhe depresionit që do të shkaktohet si pasojë e këtyre efekteve”, thekson kreu i PSD-së.
Molliqaj ka thënë se është e domosdoshme që të gjithë sektorët e ekonomisë, në të cilët është e mundshme të mbahet distanca në mes njerëzve dhe të ketë kushte të mira të pastërtisë, t’i kthehen punës sa më shpejt.
“Është koha që qysh nesër, institucionet e vendit të reflektojnë dhe t’i rimendojnë këto masa, dhe të fokusohen tek masat mbrojtëse për grupet e rrezikuara nga COVID19, duke filluar prej atyre izoluese, financiare e deri tek kujdesi i shoqërisë ndaj tyre. E gjithë pjesa e shoqërisë që nuk janë në marrëdhënie pune apo që mund t’i kryjnë punët nga shtëpia, duhet të vazhdojnë të qëndrojnë në shtëpi, ndërsa është e domosdoshme që të gjithë sektorët e ekonomisë, në të cilët është e mundshme të mbahet distanca në mes njerëzve dhe të ketë kushte të mira të pastërtisë, t’i kthehen punës sa më shpejt”, thotë ai.
Më tej ka përmendur dhe orarin e lëvizjes, për të cilën ka thënë se ka prodhuar kundër efekt.
“Orari i reduktuar i lëvizjeve tashmë po dëshmohet që ka kundër efekt, për shkak se kur koha kufizohet edhe numri i njerëzve po koncentrohet brenda një kohe të caktuar, me ç’rast qarkullimi përgjatë kësaj kohe po është më i dendur sesa në një situatë ku nuk ka orar të reduktuar të lëvizjes. Po ashtu, transporti publik duhet të lëshohet në funksion menjëherë, duke e limituar numrin e njerëzve që hyjnë në të njëjtën kohë në autobusë”, u shpreh ai.
Molliqaj ka folur edhe për Pakon Fiskale Ekonomike.
“Dhe e fundit, por jo nga rëndësia, pakot sociale e subvencionuese ndaj sektorit publik e privat janë masa që nuk e rigjenerojnë ekonominë, por tendencë për të blerë ”paqe sociale”. Në një krizë të tillë ekonomike, ”paqja sociale” është e kundërta e zgjidhjes së problemit, përkundrazi e mirëmban atë. Prandaj duhet urgjentisht të rritet kërkesa agregate, e kjo arrihet vetem nëse Qeveria e vendit i rritë shpenzimet publike. Në të kundërtën, nëse vazhdohet me këto masa të pamenduara, Kosova rrezikon të zhytet në një krizë të thellë ekonomike, e cila do të shkaktonte dëme të pariparueshme për një kohë të gjatë”, ka shkruar në fund. /Telegrafi/
Promo
Reklamo këtuLufta Prigozhin - Putin
Më shumëKryeministri tha se marrëveshja e 2015-ës me Serbinë shkel Kushtetutën, reagon Mustafa: Është sajesë dhe gënjeshtër e Kurtit
Çka po synon Serbia me testimin e armëve në kufi me Kosovën, flasin ish-ushtarakët
Vuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Policia kërkon ndihmë për identifikim e dy të dyshuarve për "shpërdorim të pasurisë së huaj"
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Kurti ironizon me ushtrimet e ushtrisë serbe: Paraqesin ndotje të ajrit e tokës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi