Mjeshtëroni artin e ndikimit tek njerëzit përmes këtyre truqeve të thjeshta

Lavdëroni të tjerët

Kjo e kryen pothuajse të gjithë punën. Posa të dini si ta lavdëroni dikë, ju mund të arrini shumë, pasi që kur e vlerësoni dikë për mirë, ata e ndjejnë nevojën t’ua kthejnë këtë me të mirë, transmeton Telegrafi.

Sidoqoftë, nuk duhet të gënjeni kur e lavdëroni dikë.

“Teknika e pranimit”

Për ta bërë dikë të pranoj kërkesën tuaj, qoftë nëse është rritje rroge apo diçka tjetër, është shumë më lehtë se që mendoni.

Fillimisht, kërkoni diçka të cilën e dini se nuk do të pranohet mirë, pastaj e bëni një ofertë më të arsyeshme dhe do të vëreni se do ta pranoj.

P.sh., nëse dëshironi t’i kërkoni shefit t’ua rrit rrogën për 50 euro, atëherë shkoni dhe pyeteni nëse janë mundësitë të ta ngrit rrogën për 100 apo 150 euro.

Fillimisht, ai mund të mos e pranojë këtë, mirëpo pastaj mund t’i kërkoni “të paktën” 50 euro dhe mundësitë janë të mëdha që do ta pranoj kërkesën tuaj.

Mbani mend detajet…

Kur e mbani mend çdo gjë që ka thënë një person, atyre filloni t’iu pëlqeni dhe kjo është rruga drejt ndikimit tek personat tjerë.

Dëgjoni personat tjerë me kujdes dhe vazhdimisht bëni pyetje sepse kjo do të krijoj një lidhje pozitive mes juve.

Bëni që t’i pëlqeni një personi

Nëse mendoni se dikujt nuk i pëlqeni, thjesht kërkoni t’ua bëj një favor. Po pra, një favor.

P.sh., kërkoni diçka hua, ndonjë mjet të çfarëdoshëm, dhe kur ia ktheni e falënderoni dhe silleni mirë me të. Kjo do t’ua ndryshoj mendimet për ju dhe lidhja juaj do të rregullohet.

Tundeni kokën…

Kur dikush po bisedon me ju, tundeni kokën dhe pajtohuni me atë që thotë. Kjo do t’ua krijoj përshtypjen që jeni duke dëgjuar dhe jeni të interesuar në atë se çfarë thonë.

Kjo gjë është esenciale nëse veç planifikoni që më vonë t’i kërkoni atyre ndonjë favor. /Telegrafi/