Mjekët që po kujdesen për shëndetin e Donald Trumpit, detyrohen t’i bindën presidentit amerikan

Cila është saktësisht fotografia shëndetësore e Donald Trumpit? Informacione kontradiktore dhe jo të plota kanë dhënë deri më tani zyrtarët në lidhje me infektimin me coronavirus të presidentit amerikan.

Analistët gjithashtu thonë se Trump përdori me mençuri teknologjinë për të menaxhuar raportimin mbi krizën e parë personale të shëndetit në mandatin e tij.

Matthew Algeo, autor i disa librave mbi gënjeshtrat e përsëritura nga udhëheqësit amerikanë, thotë se presidentët nuk janë të detyruar të flasin për shëndetin e tyre, kështu që nuk është për t’u habitur që ata nuk e bëjnë, shkruan newyorktimes.

“Presidentët nuk duan të duken të dobët, asnjë politikan nuk dëshiron të duket i dobët. Ata do të bëjnë gjithçka për ta shmangur atë”, tha Algeo.

Mjeku personal i presidentit shpesh është një ushtar sikurse është rasti me Sean Conley, i cili është oficer i marinës. Rose McDermott, një analist në Universitetin Brown, thotë se është një konflikt interesi.

“Sean Conley është mjeku i presidentit dhe presidenti është komandanti i tij i përgjithshëm”, tha McDermott.

“Nëse presidentit nuk i pëlqen ato që thotë Conley për të, ai mund ta shkarkojë atë. Ai madje mund t’i heqë pensionin”, thotë McDermott.

Ndryshe, Trump dhe kandidati demokrat nuk do të mbajnë debatin e dytë presidencial, i cili ishte planifikuar të zhvillohet më 15 tetor. /Telegrafi/