Ministria e Drejtësisë: Certifikatat e reja me grafën etnike nuk janë në kundërshtim me Kushtetutën

“Certifikatat e reja të lindjes me grafën e kombësisë. Udhëzimi nuk është në kundërshtim me ligjet, por është në përputhje me Ligjin për Evidencën Amë”.

Kështu thonë nga Ministria e Drejtësisë në lidhje me certifikatat e reja, për të cilat ka pasur mjaft reagime në opinion.

Nga Ministria e Drejtësisë thonë se kombësia në regjistrin e të lindurve është paraparë në nenin 4, të kurorëzuarve në nenin 11 dhe të vdekurve në nenin 13 të Ligjit për Evidencën Amë.

E fundit e cila kërkoi anulimin e udhëzimit për certifikatat e reja të të lindurve, është ish-ministrja e Drejtësisë, Renata Deskoska. Ajo tha se vendimi i Gjykatës Kushtetuese për të hapur lëndë për këtë udhëzim është lajm i mirë.

Lexo po ashtu Deskoska: Gjykata Kushtetuese të anulojë udhëzimet e reja dhe të shfuqizojë pjesën e kontestuar të ligjit për evidencë amë

“Vendimi i Gjykatës Kushtetuese për fillimin e procesit është një lajm i mirë dhe ligji është respektuar sepse parashikon kombësinë në librat amë, jo në ekstrakt. Certifikatat e lindjes nuk është patjetër t’i përmbajë të gjitha të dhënat nga libri amë”, thekson ish-ministrja e Drejtësisë, Renata Deskoska.