Ministria britanike e Mbrojtjes: Njësia elitare e tankeve ruse nuk do të rimëkëmbet për shumë vite, si rezultat i kundërofensivës ukrainase

Ministria britanike e Mbrojtjes, ka publikuar raportin më të fundit mbi zhvillimet në Ukrainë – duke theksuar se njësia elitare e tankeve ruse ka pësuar humbje jashtëzakonisht të mëdha, që do t’i duhet vite të tëra që të rimëkëmbet.

Pas tërheqjes nga rajoni e Kharkivit si pasojë e kundërofensivës së trupave ukrainase, një prej njësive më elitare të tankeve ruse – ka pësuar humbje shumë të mëdha nga fillimi i pushtimit rus në Ukrainë, transmeton Telegrafi.

Kjo brigadë kishte pësuar humbje të mëdha që nga faza e parë e pushtimit. Në fillim kanë pasur humbje në njerëz dhe dëme materiale – nga të cilat për vite të tëra nuk do të mund të rimëkëmben.

Lexo po ashtu Thanë se kanë zënë aq shumë rob lufte sa që nuk po kanë hapësirë për t’i akomoduar, Kievi publikon pamjet e dorëzimit të ushtarëve rusë

Por pas kundërofensivës ukrainase në lindje të vendit – është e sigurt që do t’ju duhen edhe më shumë vite që ta ripërtërijnë këtë njësi.

Ndryshe fjala është për njësinë që është e dedikuar për ta mbrojtur Moskën, në rast të një lufte që mund të shpërthejë mes Rusisë dhe NATO-s.

E humbje të tilla të ngjashme kanë pësuar edhe njësi tjera ruse – duke filluar nga forcat ajrore, detare e deri te shkatërrimi i depove të shumta të municionit. /Telegrafi/

Latest Defence Intelligence update on the situation in Ukraine – 13 September 2022

Find out more about the UK government's response: https://t.co/BYZhjLmtmf

🇺🇦 #StandWithUkraine 🇺🇦 pic.twitter.com/r0Cf3z3wab

— Ministry of Defence 🇬🇧 (@DefenceHQ) September 13, 2022