Milani, Roma dhe Juventusi e mbyllin sezonin e fitore

Juventusi ka fituar 1-0 në udhëtim te Udinese në xhiron e fundit të Serie A.

Pjesa e parë përfundoi pa gola, përkundër rasteve të shumta që patën dy skuadrat.

Në 45 minutat e dytë, Zonja e Vjetër ishte më kërkuese dhe ia doli të shënonte golin e fitores.

HT | Termina qui il primo tempo. Al riposo in parità.#UdineseJuve pic.twitter.com/7O41dBRKxo

— JuventusFC (@juventusfc) June 4, 2023

Ishte minuta e 68-të e ndeshjes, kur Federico Chiesa pranoi një asistim nga Manuele Locatelli, për 1-0.

Fitore në këtë rreth mori edhe Milani, që në shtëpi mposhti Veronan me rezultat 3-1.

Olivier Giroud e hapi llogarinë e golave për Rossoneët, kur shënoi në minutën e 45+1-të nga penalltia.

⏱️ 46'
Back underway!#MilanVerona 1-0 #SempreMilan pic.twitter.com/0pL5uvGEXm

— AC Milan (@acmilan) June 4, 2023

Mirëpo, Verona i barazoi shifrat në 1-1, me golin e Davide Faraonit që shënoi në minutën e 72-të.

Për të rikthyer epërsinë e Milanit u përkujdes Rafael Leao, që shënoi në minutën e  82-të.

Rossonerët nuk u ndalën me kaq dhe shënoi edhe të tretin, sërish përmes sulmuesit portugez (90+2’).

Fitore në këtë javë mori edhe Roma, që ia doli me shumë mund ta mposhte Spezian, me rezultat 2-1.

Ishte minuta e gjashtë e takimit kur Nikolaou pranoi një asistim nga Bourabia për rezultatin 1-0.

Por, shifrat në 1-1 i barazoi Nicola Zalewski, që u asistua prej Stephan El-Shaarawyn.

Fine primo tempo.

Andiamo sotto, poi pareggiamo con Zalewski. #RomaSpezia pic.twitter.com/6f1rDgWq7s

— AS Roma (@OfficialASRoma) June 4, 2023

Pjesa e dytë ishte disi më e tensionuar, ndërsa pati edhe një karton të kuq.

Ishte minuta e 88-të e takimit, kur Dimitrios Nikolaou pranoi edhe një karton të verdhë, për të lënë ekipin e tij me dhjetë lojtarë në fushë.

Me këtë rast, Roma përfitoi një penallti, të cilën në gol e konvertoi Paulo Dybala për 2-1.

Milani e mbylli këtë edicion në vendin e katërt me 70 pikë, shtatë më shumë se Roma dhe tetë më shumë se Juventusi, me Giallorossët që luajnë në Ligën e Evropës, ndërsa Zonja e Vjetër në atë të Konferencës. /Telegrafi/