Milani ndan buxhetin e verës, synon transferimin e katër lojtarëve

Buxheti i transferimeve të Milanit për afatin kalimtar të verës 2024 thuhet se do të jetë 100 milionë euro, i cili do të përdoret për të nënshkruar të paktën katër lojtarë.

Sipas La Gazzetta dello Sport, trajneri i ri i Milanit, Paulo Fonseca, do të ketë 100 milionë euro në dispozicion për të bërë nënshkrime të reja këtë verë.

Të ardhurat nga Liga e Kampionëve dhe shitja e përhershme e Charles De Ketelaere te Atalanta për mbi 20 milionë euro i kanë lejuar kuqezinjtë të ndajnë këtë shumë parash për blerje të reja.

Shuma natyrisht do të rritet nëse Milani shet ndonjë lojtar tjetër këtë verë.

📰 Today’s edition of @Gazzetta_it…

💰 “€100m for Fonseca: #ACMilan want four reinforcements.”

✍️ “Signings ready for the new coach: Zirkzee 9, Fofana, Royal and the Igor idea.”

📈 “The Diavolo are the club that is growing the most.” pic.twitter.com/jKx8qAo5cl

— SempreMilan (@SempreMilanCom) May 30, 2024

Gazzetta dello Sport raporton se kuqezinjtë duhet të nënshkruajnë me një qendërsulmues të ri për të zëvendësuar Olivier Giroud, plus një qendërmbrojtës, një mbrojtës të djathtë dhe një mesfushor me tipare mbrojtëse.

Joshua Zirkzee i Bolognës është objektivi kryesor në sulm dhe ka një klauzolë lirimi prej 40 milionë euro.

Për rolin e mesfushorit mbrojtës, prioritet është Youssouf Fofana i Monacos, i cili do të kushtonte rreth 25 milionë euro.

🚨 Scrive @Gazzetta_it: 100 milioni per il #Milan, quattro rinforzi di spessore per #Fonseca. In attacco ci sono #Zirkzee (40 milioni) e c’è il rinnovo fino al 2025 di #Jovic. Per il centrocampo abbiamo #Fofana (25 milioni) del #Monaco, mentre in difesa spunta l’idea #Igor (17… pic.twitter.com/9DqTprrzEj

— Milan Zone (@theMilanZone_) May 30, 2024

Gazeta italiane shton se Milani i ka vënë sytë te ish-qendërmbrojtësi i Fiorentinës, Igor, tani në Brighton. Braziliani u transferua në Angli për rreth 17 milionë euro verën e kaluar.

Emerson Royal i Tottenham Hotspur është kandidati kryesor për rolin e mbrojtësit të djathtë, por kuqezinjtë nuk janë të gatshëm të arrijnë çmimin e kërkuar prej 30 milionë eurosh të Spurs dhe shpresojnë që çmimi i mbrojtësit të ulet gjatë verës. /Telegrafi/