Milani thuhet se po përgatitet për një riorganizim të madh gjatë verës, ndërsa parashikon largimin e Mike Maignan.
Maignan është në muajt e fundit të kontratës me Rossonerët dhe deri tani nuk ka përparim sa i përket një rinovimi.
Situata e tij mund ta bëjë Maignan të largohet gjatë verës nga San Siro dhe drejtuesit e Milanit nuk po qëndrojnë duarkryq duke etiketuar tashmë pasuesin e tij si numër 1.
Sipas Sky Italy, Rossonerët e kanë zgjedhur portierin e Liverpoolit, Alisson Becker, si zëvendësuesin ideal dhe tashmë kanë hapur diskutime me përfaqësuesit e brazilianit.
Liverpooli është i gatshëm të marrë në konsideratë një shitje verën e ardhshme, dhe me Alissonin që ka kontratë deri në vitin 2027 dhe tani është 33 vjeç, tarifa e mundshme pritet të jetë e arsyeshme.
Sigurimi i transferimit të Alisson do të ishte një sukses i madh për Milanin, duke u dhënë atyre një portier të provuar të klasit botëror për të nisur një epokë të re pas Maignan. /Telegrafi/
