Miku i ngushtë i Rita Orës rrëfen për paragjykimet që ka përjetuar si njeri me ngjyrë: Kam tentuar edhe vetëvrasjen

Vas J Morgan njihet si një nga miqtë më të mirë të artistes shqiptare me famë botërore, Rita Ora.

Ai ka grumbulluar më shumë se 20,000 funte në më pak se 12 orë për t’i ndihmuar anëtarëve të komunitetit të njerëzve me ngjyrë të kenë më shumë mundësi shërbime të shëndetit mendor.

Ish-ylli i serialit “TOWIE”, 31 vjeç, nisi iniciativën “I Am Enough” në GoFundMe të hënën, ku kanë dhuruar fonde edhe emrat e njohur si: Paris Hilton, Joan Smalls, Nadia Essex dhe futbollisti Ben Chilwell.

Në një bisedë ekskluzive për DailyMail, Vas, i tregua i hapur për problemet e tij me shëndetin mendor dhe se si, me ndihmë, ai u përball me kokën e tij personale të traumës pas një përpjekje të dështuar për vetëvrasjeje.

Vas themeloi fondin pas vdekjes tragjike të George Floyd, i cili u filmua duke u mbytur deri në vdekje pasi oficeri i policisë Derek Chauvin, e mbërtheu 46-vjeçarin në tokë duke shtypur një gju në pjesën e pasme të qafës deri në asfiksim.

Miku i ngushtë i Rita Orës tha: “Vendosa ta krijoj fondin për shkak të gjithçkaje që po ndodh tani. Ka qenë shumë traumatike për mua sepse ka ngjallur shumë ndjenja të vetëvlerësimit të ulët dhe vetëvlerësimit për shkak të ngjyrës së lëkurës time”.

“Fushata ” I Am Enough (Unë jam i mjaftueshëm)” do t’i ndihmojë anëtarët e komunitetit me ngjyrë që të përdorin ndihmën e nevojshme për t’u marrë me traumat dhe çështjet e tjera të lidhura me shëndetin mendor”, tha më tej Vas.

Sondazhi i Morbiditetit Psikiatrik të të Rriturve (APMS) zbuloi se burrat me ngjyrë kishin më shumë gjasa sesa homologët e tyre të bardhë që të pësonin një çrregullim psikotik në vitin e fundit.

“Kam bërë disa hulumtime dhe kam kuptuar se njerëzit me ngjyrë janë në një shkallë të konsiderueshme më të lartë të çështjeve të shëndetit mendor, i cili nga ana tjetër çon në jo vetëm çështje të shëndetit mendor, por aktivitet kriminal”, tha redaktori i Revistës “TINGS”.

“Doja të bëja diçka që ishte parandaluese dhe t’i ndihmoja njerëzve me ngjyrë me burimet që u duheshin. Unë dua t’i mësoj fëmijët e mi në një moshë të re, që ata janë vlerësuar dhe të rëndësishëm”, tha tutje Vas.

Vas vazhdoi të shpjegojë se si tallja në rrjetet sociale ndikoi në shëndetin e tij mendor, shpesh duke iu nënshtruar urrejtjes racore pasi ai u bashkua me kastin e serialit “TOWIE” në vitin 2014.

“Unë nuk isha i vetëdijshëm se sa intensiv është shqyrtimi i rrjeteve sociale, unë u talla shumë herë dhe shumë prej komenteve ishin raciale”, tha ai.

“Unë gjithashtu isha duke luftuar me seksualitetin tim, me të cilin pata vështirësi të pajtohem. Unë isha duke pirë çdo natë, duke bërë ahengje çdo natë. Unë nuk e kuptova se ishte një problem derisa fillova të kisha mendime të rënda vetëvrasjeje rreth tre vjet më parë”, tha ai.

Vas tha që këto mendime shpejt filluan të merrnin përsipër dhe ai e gjeti veten duke pyetur “për çfarë po jetoj?”.

“U zgjova në një vend shumë të errët një mëngjes dhe kuptova se ishte mjaft. Kisha një përpjekje vetëvrasjeje atë ditë”, tha Vas.

Ai u pranua në spital dhe kur u la i lirë kontaktoi me mikun e tij më të mirë, trashëgimtaren e Topshop, Chloe Green.

Chloe, 29 vjeçare, mori gjërat në duart e saj dhe i rezervoi Vasit një fluturim për në Tajlandë, ku kaloi katër muaj në rehabilitim.

“Ishte në atë kohë që kuptova se droga dhe alkooli nuk ishte problemi. Isha unë dhe trauma që kisha pësuar – ky ishte problemi”, tha Vas.

“Traumat e të qenit me ngjyrë. I vetmi person me ngjyrë në një shfaqje televizive kombëtare dhe në botën time, në përgjithësi. Ishte shumë e vështirë”, tha tutje redaktori i “TINGS”.

Vas, i cili ka një objektiv të me fondin e tij të arrijë të mbledhë rreth 50,000 funte, i tha DailyMail se planifikon të mbikëqyrë sesi fondi i mbledhjes mund të ndihmojë jetën e personave të komunitetit me ngjyrë.

Vas tha: “Unë mendoj se është shumë e qartë se vdekja e George Floyd nuk do të jetë e kotë. Unë dua të mbikëqyrë çdo qindarkë që jepet për t’i ndihmuar këta njerëz. Unë dua të jem vërtet në krye të saj. Dua të takoj fëmijët atje. Dua të shkoj në shkolla. Dua të shkoj në universitete. Unë dua t’i mësoj njerëzit të duan veten e tyre”. /Telegrafi/