Meta dekreton anëtaren e re të Gjykatës së Lartë të Shqipërisë, SHBA dhe BE përshëndesin vendimin

Ambasadorja Shteteve të Bashkuara të Amerikës, Yuri Kim, dhe ambasadori i Bashkimit Evropian, Luigi Soreca përshëndetën sot dekretimin nga presidenti Ilir Meta të gjyqtares Arbena Ahmeti në Gjykatën e Lartë.

Në një reagim në Twitter, ambasadorja Kim ka mirëpritur bashkëpunimin e vazhdueshëm të institucioneve për të vënë në zbatim reformën në drejtësi, përfshi edhe emërimin nga Presidenca të gjyqtarit të dhjetë në Gjykatën e Lartë.

“Rritja e funksionalitetit të Gjykatës së Lartë e lejon që të emërojë edhe një gjyqtar për Gjykatën Kushtetuese”, ka shtuar Kim.

We welcome continued cooperation among institutions to implement justice reform, including today’s appointment by Presidency of the 10th judge to High Court. This increases functionality of High Ct, also enables High Ct to appoint a judge for Const’l Ct. https://t.co/GP43v7i4Zk

— Ambassador Yuri Kim (@USAmbAlbania) February 16, 2022

Në anën tjetër, vendimi u mirëprit edhe nga ambasadori i BE-së Soreca.

“Gjykata e Lartë tashmë ka arritur kuorumin që të caktojë anëtarët e Gjykatës Kushtetuese. Ky është një tjetër hap i rëndësishëm drejt konsolidimit të reformës në drejtësi në Shqipëri”, shkroi Soreca në Twitter.

We welcome today’s appointment by Pres. @ilirmetazyrtar of the 10th member of the High Court, which has now reached the quorum to appoint Constitutional Court members. This is another important step in the consolidation of #justicereform??!
More info?https://t.co/pMGB2P2vIO

— Luigi Soreca?? (@LSorecaEU) February 16, 2022

Presidenti Ilir Meta dekretoi sot emërimin e Arbena Ahmetit, e përzgjedhur për t’u emëruar në këtë gjykatë përmes procedurave të ngritjes në detyrë nga radhët e gjyqësorit.

Me këtë emërim të ri, Gjykata e Lartë, nga sot bëhet me 10 gjyqtarë, nga 19 anëtarë që duhet të ketë.

“Presidenti i Republikës, në mbështetje të Kushtetutës, dhe me vullnetin që Gjykata e Lartë të jetë sa më shpejt plotësisht funksionale me të gjithë trupën e nevojshme të saj, i bën thirrje Këshillit të Lartë Gjyqësor që të vijojë punën me impenjim të plotë, të pandërprerë, me transparencë, me qëllim përfundimin pa vonesë të procedurave për plotësimin e Gjykatës së Lartë me të gjithë numrin e nevojshëm të gjyqtarëve”, thuhet në njoftimin e Presidencës. /Telegrafi/