Prioriteti i drejtuesve të Barcelonës është kthimi i Lionel Messit në Camp Nou, por për shkak të problemeve financiare me shumë gjasa do t'u duhet të sakrifikojnë shpresën e madhe, Gavin.
Gavi nënshkroi një kontratë profesionale me Barcelonën në shtator deri në verën e vitit 2026, por ajo u anulua përkohësisht për shkak të "limitit të pagave" të La Ligës dhe ai u rikthye në një kontratë amatore.
Nëse deri më 30 qershor, Barcelona nuk arrin të gjenerojë të ardhura të mjaftueshme për të zgjatur kontratën e Gavit për të qenë brenda kufirit të pagave, ajo do të anulohet plotësisht dhe Gavi do të bëhet lojtar i lirë.
Duke qenë se Barça dëshiron të rikthejë Messin dhe po përpiqet në çdo mënyrë të lehtësojë "limitin e pagave" për t'i lënë vend atij, është jashtëzakonisht e vështirë të pritet që ata të mund të zgjasin edhe kontratën me Gavi.
Me të gjitha llogaritë, drejtuesit e Barçës do të mund të nënshkruajnë vetëm me njërin nga të dy, dhe nuk ka dyshim se zgjedhja do të ishte Messi.
Talenti i madh ndiqet me shumë interes nga Chelsea, që tashmë ka nisur negociatat.
Kështu, drejtori sportiv i klubit londinez, Christopher Vivell, tashmë ka zhvilluar bisedime me menaxherin e Gavi, Ivan de la Pena dhe mediat spanjolle kanë mësuar se ata do të takohen sërish deri në fund të këtij muaji.
Chelsea është gati t'i ofrojë atij një pagë të madhe me një bonus bujar nënshkrimi dhe nëse Luis Enrique bëhet trajner i Bluve, kjo do të jetë një arsye tjetër që Gavi të vazhdojë karrierën e tij në Ligën Premier. /Telegrafi/
