Messi nuk mund të largohet aq lehtë nga Barcelona

Lionel Messi tashmë ka dërguar faksin te Bracelona ku thuhet se e dëshiron largimin nga klubi në këtë verë.

Ylli argjentinas ka mbetur i zhgënjyer me neglizhencën e bordit të klubit në këto pesë vitet e fundit, andaj mendon se ka ardhur koha e tij që të largohet.

Por, Messi ende nuk është në dijeni se nuk mund të largohet aq lehtë nga Barcelona.

Lexo po ashtu Lionel Messi e do kalimin vetëm te Manchester City

Blaugranasit janë duke kaluar nëpër një krizë ekonomike dhe vështirë se mund ta lënë gjashtë herë fituesin e Topit të Artë të largohet si lojtar i lirë.

33-vjeçari në faksin e dërguar, ka bërë me dije se ai dëshiron të përdor të drejtën e tij për të shkëputur kontratën, mirëpo ajo mundësi i ka kaluar në fillim të muajit qershor.

Argjentinasi nuk do të mund të shfrytëzojë atë vendim, andaj do të duhet të përballet me ligjet e caktuara nga klubi në kontratë.

Klauzola e Messit është 700 milionë euro, mirëpo që skuadra katalunase do ta lejonte atë të largohej në shumën e mbi 300 milionë eurove.

Lexo po ashtu Largimi i Messit: Divorci shëmtuar përfundon epokën e bukur të Barcelonës

Interi, Paris Saint-Germain dhe Manchester City, janë klubet më të interesuara, mirëpo që Barcelona në rast se pranon shitjen e lojtari, do të kërkojë shumën e lartë.

Lexo po ashtu Klubet favorite, gjasat, çmimi i mundshëm – ku qëndron e ardhmja e Messit

Ditë më parë është raportuar se ka anëtarë të bordit të klubit katalunas që e duan largimin e Messit, me vetëm Ronald Koemanin që i ka thënë se privilegjet e tij në klub i kanë përfunduar.

Kjo situatë e ka acaruar argjentinasin dhe thuhet se largimi i tij nga Camp Nou pas 20 vitesh qëndrimi do të jetë i paevituar. /Telegrafi/