Messi me një postim emocionues pasi fitoi Topin e Artë, ia dedikon tifozëve nga e gjithë bota që e përkrahën atë

Lionel Messi ka fituar për herë të tetë në karrierën e tij çmimin më të vlefshëm individual për futbollistë, ‘Topin e Artë’.

Gjeniu argjentinas fitoi Topin e Artë në garë të ngushtë me sulmuesin norvegjez Erling Haaland.

Për Messin ishte hera e tetë që fiton këtë trofe, derisa ai u shfaq shumë i emocionuar në Paris në momentin që mori këtë çmim.

Lexo po ashtu Sot ceremonia e Topit të Artë – Kush do ta fitojë?

Messi tani ka reaguar edhe në rrjetet sociale pasi duke thënë se këtë çmim ia dedikon të gjithë atyre që e kanë përkrahur në karrierë nga fillimi e deri më tani, si dhe Kombëtares së Argjentinës, bashkëlojtarëve të tij dhe stafit të trajnerëve.

“Kam vetëm fjalë mirënjohjeje për të gjithë njerëzit në mbarë botën që më kanë mbështetur kaq shumë gjatë karrierës sime dhe të cilëve dua t’ua kushtoj veçanërisht këtë çmim, së bashku me familjen time që ishte gjithmonë pranë meje”.

View this post on Instagram

A post shared by Leo Messi (@leomessi)

“Ky është një Top i Artë që dua ta ndaj edhe me kolegët e mi në Kombëtares së Argjentinës, stafin trajner, punonjësit… Sepse pa Kupën e Botës që arritëm së bashku, do të ishte e pamundur ta fitonim atë”.

“Urime të gjithë fituesve dhe faleminderit shumë”, ka shkruar Leo Messi në profilin e tij zyrtar në Instagram. /Telegrafi/