Messi kujton ‘betejën’ shumëvjeçare me Ronaldon për Topin e Artë

Lionel Messi ka folur për ‘luftën’ e tij me rivalin e madh, Cristiano Ronaldo, gjatë 15 viteve, ku fituan herë njëri dhe herë tjetri trofeun e Topit të Artë.

Messi mori Topin e Artë të tetin në karrierë. Lidhja e tij e dashurisë me këtë çmim filloi në vitin 2009 dhe vazhdon edhe sot e kësaj dite.

Në mes, ai e ka fituar atë në vitet 2010, 2011, 2012, 2015, 2019, 2021 dhe, tani, kjo e fundit në 2023. Një koleksion trofesh i disponueshëm vetëm për yllin argjentinas.

I vetmi që i afrohet është Ronaldo, i cili ka fituar pesë herë Topin e Artë: në vitet 2008, 2013, 2014, 2016 dhe 2017. Të dy kanë luftuar për të fituar për vite me radhë.

Lexo po ashtu Nga Ronaldinho dhe Neymar te Iniesta, Mbappe dhe shumë yje tjerë – reagimet për fitimin e Topit të Artë nga Messi

Pikërisht, argjentinasi i është referuar atij dueli në një intervistë që ka dhënë për gazetën L’Equipe pas marrjes së çmimit këtë të hënë.

“Ishte gjithmonë një betejë shumë e bukur sportive. Ne e ushqenim njëri-tjetrin sepse të dy jemi shumë konkurrues. Dhe gjithashtu ai gjithmonë donte të fitonte në gjithçka dhe në çdo gjë”, ka thënë fillimisht Messi.

“Ishte një kohë shumë e bukur për ne dhe për njerëzit që e pëlqejnë futbollin. Ajo që bëmë kaq gjatë ka shumë meritë, sepse, siç thonë ata, është e lehtë të arrish atje dhe është e vështirë të qëndrosh”.

“Ne qëndruam në krye për 10 ose 15 vjet dhe ishte shumë e vështirë. Ishte spektakolar dhe një kujtim i bukur për të gjithë ata që e shijojnë futbollin”, përfundoi ylli argjentinas. /Telegrafi/