Një banori të Mount Washington, Troy Heller, para disa ditësh i është kthyer mesazhi në shishe që e kishte dërguar 37 vite më parë.
Siç raportojnë mediat e atjeshme, mesazhin në shishe e hodhi në ujë në plazhin e Floridas, e kalimtarët e rastit që e gjetën arritën të vënë kontakte me burrin nga Kentucky, i cili e kishte hedhur në oqean 37 vite më parë, transmeton Telegrafi.
Në fakt, gjatë 13 nëntorit, pas uraganit Nicole që goditi atë rajon, nxjerri shishen në brigje të Sebastian në Florida, rreth 20 kilometra nga pushimorja ku Heller e kishte hedhur në ujë.
Dy mësues që kishin pastruar zonën pas stuhisë, gjetën shishen afro 40 vite e vjetër. Kur rastësisht hasën në një çift që shëtiste me dy vajzat e tyre, vendosën t’ia japin shishen asaj familje.
Më pas kjo familje e njëjtë vendosi ta shpërndajë këtë histori në TikTok, duke thyer shishen dhe hapur letrën me emrin e Hellerit, ku në të kishte edhe numër telefoni me një adresë në Louisville.
“P.S. kushdo që e gjen le të më telefonojë apo më shkruaj”, shkruante në letër.
Dyshja kërkuan të dhëna për Hellerin në internet dhe në fund i dërguan një fotografi të letrës. Pronarit menjëherë iu kujtuar letrën që e kishte shkruar shumë vite më parë.
Heller, asokohe vetëm 10-vjeçar, kishte shkruar letrën dhe e kishte futur në shishen e xhamit Pepsi dhe e kishte hedhur në Oqeanin Atlantik, derisa ishte në plazhin Vero në Florida në vitin 1985. /Telegrafi/
