Mes thashethemeve për lidhje, Kendall Jenner dhe Bad Bunny fotografohen në të njëjtin restorant

Kendall Jenner dhe Bad Bunny u panë duke dalë nga i njëjti restorant të shtunën mbrëma (18 shkurt), mes thashethemeve se të dy janë në lidhje.

Ylli i “Kardashians” , 27 vjeç dhe këngëtari i “Titi Me Pregunto”, 28 vjeç, të dy dolën në “Wally’s” për darkë, por u larguan nga ndërtesa e Beverly Hills, Kaliforni përmes daljeve të veçanta.

Thuhet se Justin dhe Hailey Bieber u panë gjithashtu në restorant gjë që mund të ketë qenë një takim i dyfishtë.

Jenner mahniti me një komplet lëkure ngjyrë kafe, me një bluzë dhe pantallona, ​​të cilat i kombinoi me një xhaketë lëkure të madhe.

Modelja e kompletoi ‘look’-un me çizme ngjyrë kafe me majë dhe një çantë dore që përputhej me to, shkruan PageSix.

Fituesi i “Grammy”-t dukej po aq me stil i veshur me një palë pantallona ngjyrë bezhë, një xhaketë kafe dhe atlete të bardha.

Më herët atë ditë, një fotograf e pyeti themeluesen e “818 Tequila” nëse ylli latin ishte “puthjet mirë” ndërsa ajo po largohej nga palestra. Megjithatë, ajo nuk dha asnjë përgjigje.

Lexo po ashtu Kendall Jenner thuhet se ka nisur një romancë me Bad Bunny

Dalja e fundit e çiftit të përfolur erdhi disa ditë pasi një lajm publikuar nga blogu i thashethemeve “DeuxMoi” la të kuptohej se çifti mund të ishin në lidhje.

Ylli televiziv u nda me lojtarin e NBA-së, Devin Booker, 26 vjeç, në nëntor 2022. Burimet pohuan se ndarja ishte për shkak të orarit të tyre të ngjeshura të punës.

“Të dy kanë orare tepër të ngjeshur për momentin me karrierën e tyre dhe ata kanë vendosur ta bëjnë atë një prioritet”, tha një burim atë kohë. /Telegrafi/