LAJMI I FUNDIT:

Merkuri del nga mjegulla e Peshqve. Ç’do të ndodhë me shenjën tënde të horoskopit?

Merkuri del nga mjegulla e Peshqve. Ç’do të ndodhë me shenjën tënde të horoskopit?
AdobeStock

Merkuri më në fund është në pozicionin e tij të drejtë, çka do të thotë nuk ka më debate të kota dhe mjegulla do të pastrohet! Pas disa javësh totalisht të çekuilibruara, është momenti për të marrë frymë lirisht!

Merkuri shkoi te Peshqit dhe na inkurajon që të dëgjojmë zërin tonë të brendshëm me shumë vëmendje, si dhe t’i japim më shumë rëndësi intuitës. Merkuri kujdeset për pjesën logjike dhe analitike, por te Peshqit, i nënshtrohet ëndrrave, artit dhe frymëzimeve.

Tani, mëso se ç’do të ndodhë me shenjën tënde!


Dashi

Më në fund po shijon një gjumë të mirë pas ditësh të mbushura me përpëlitje dhe ankth, i dashur Dash! Me Merkurin që kalon në linjë të drejtë në shtëpinë tënde të 12-të të sekreteve, shërimit dhe modeleve që ndjek në mënyrë të pavetëdijshme, je gati të lësh pas dyshimet dhe konfuzionin, për të pastruar mendjen. Mund të gjesh qartësi edhe në një konflikt të brendshëm ose një çështje të pazgjidhur. Ndoshta shfaqet një mik i vjetër për të ndihmuar në përpunimin e disa ndjenjave të pazgjidhura, por sido që të jetë, do të fillosh të ndihesh më mirë dhe do të të bjerë shpirti rehat.

Demi

Mendo kush të ka shkruar, këto kohë Dem! Me Merkurin që më në fund po lëviz drejt — nëpër shtëpinë tënde të 11-të të miqësive, çështjeve komunitare dhe lirisë personale — me shumë gjasë po mendon për miqësitë e tua, përfshirjen në komunitet dhe qëllimet e së ardhmes. Nëse je ndjerë i shkëputur nga realiteti kohët e fundit, gjërat më në fund do të fillojnë të vendosen në vendin e vet. Prit që një mik i vjetër të të kontaktojë sërish, ose do të kuptosh se ku e ke vërtet vendin në rrethin tënd shoqëror. Madje mund të marrësh edhe një lajm nga një i njohur që ka një mundësi emocionuese pune për ty, shkruan People.

Binjakët

Ky moment është ikonik për ty, pasi më në fund po i sheh gjërat qartë! Me sunduesin tënd qiellor, Merkurin, që është kthyer në normalitet, veçanërisht në shtëpinë tënde të 10-të të karrierës dhe imazhit publik, gjithçka që lidhet me karrierën, që nga drejtimi e deri te ndjenja e autoritetit vjen në plan të parë. Mos thuaj kurrë “kurrë”, por prit befasitë në jetën tënde profesionale!

Gaforrja

Një bisedë me një person tek i cili ke besim mund të të japë këndvështrimin që të ka munguar, Gaforre. Ndërsa Merkuri kthehet në pozicion normal, duke aktivizuar shtëpinë tënde të 9-të të horizontit dhe dijeve, udhëtimeve dhe edukimit— gjithçka nis të marrë kuptim. Ndoshta më në fund je në gjendje të planifikosh një udhëtim që e ke shtyrë prej kohësh, ose do të fillosh të kërkosh më shumë për atë kursin online që të ka ngacmuar kuriozitetin.

Luani

Bisedat rreth bashkëpunimeve dhe ndoshta pasurive të përbashkëta po dalin në pah, por ti tashmë di çfarë duhet bërë, Luan. Me Merkurin shkon te Peshqit, aktivizohet shtëpia jote e 8-të e investimeve të përbashkëta, duke sjellë një valë qartësie të shumëpritur në çështjet financiare dhe emocionale. Ndoshta ai dokument konfuz do të nisë më në fund të ketë kuptim, ose do të marrësh vesh plotësisht detajet e një nisme të përbashkët. Në marrëdhënie, prit komunikim më të qartë, veçanërisht rreth përgjegjësive të përbashkëta.

Virgjëresha

Nëse ke synuar ta çosh një marrëdhënie në një nivel tjetër, tani është koha, Virgjëreshë! Përveç faktit që prapavija e Merkurit në lëvizje të drejtë në shtëpinë tënde të 7-të të angazhimeve, marrëveshjeve dhe partnerëve të rëndësishëm sjell energji dhe përparim në marrëdhëniet dhe bisedat e tua të reja. Do të ndodhë një diskutim dhe mirëkuptim i ri mes teje dhe një personi të rëndësishëm, ose madje do të të vijë një kërkim ndjese të shumëpritur.

Peshorja

Është një kohë e shkëlqyer për të planifikuar dhe organizuar, veçanërisht kur bëhet fjalë për zakonet e tua të përditshme, Peshore. Ndërsa Merkuri shkon te Peshqit, duke aktivizuar shtëpinë tënde të 6-të të detyrave të përditshme, veprimeve që lidhen me komunitetin dhe mirëqenien, do të kesh më shumë qartësi në rutinat e punës dhe çështjet shëndetësore.

Akrepi

Po e gjen përsëri frymëzimin tënd, Akrep! Me Merkurin te Peshqit, i cili do të aktivizojë shtëpinë tënde të 5-të të dashurisë, kreativitetit dhe pasionit — gjithçka, nga pasionet e tua e deri te dëshirat romantike, po kthehet në rrugën e duhur. Për shembull, nëse ke pasur vështirësi dhe një bllok kreativ, idetë do të fillojnë të rrjedhin përsëri. Pavarësisht nëse bëhet fjalë për të nisur një hobi të ri apo thjesht për të shijuar kohën me të dashurit, po e rilidhesh me ritmin tënd natyror. Jeta jote romantike mund të përfitojë gjithashtu nga një komunikim më i qartë mes teje dhe një personi paksa kokëfortë.

Shigjetari

Mund ta konsiderosh këtë periudhë si një rikthim të nevojshëm për jetën tënde personale, Shigjetar. Ndërsa Merkuri shkon te Peshqit dhe prek shtëpinë tënde të 4-të të shtëpisë, familjes dhe ndjesive, çështjet personale ose projektet në shtëpi fillojnë të shkojnë në vend. Nëse ke shmangur një bisedë të vështirë me një të afërm, tani është koha për ta zhvilluar.

Bricjapi

Më në fund je në gjendje të shprehesh qartë dhe të përcjellësh një mesazh të rëndësishëm, Bricjap. Merkuri ka kaluar te Peshqit, duke aktivizuar shtëpinë tënde të 3-të të komunikimit dhe mjedisit që të rrethon. Ndoshta merr një mesazh nga dikush që ka qenë i/e distancuar, ose një projekt krijues që ke punuar me një koleg fillon të marrë formë. Sidoqoftë, përdor fjalët tua me kujdes sepse të gjithë po të dëgjojnë.

Ujori

Është një kohë e mirë për t’u angazhuar seriozisht për planet e tua të së ardhmes, Ujor. Me Merkurin te Peshqit, është aktivizuar shtëpia jote e 2-të të stabilitetit, rehatisë, financave dhe vlerave. Ti po fiton qartësi rreth parave, pasurive dhe sendeve. Mund të përballesh me një përparim financiar ose të zgjidhësh një çështje të që të ka shqetësuar në lidhje me buxhetin. Një rishikim i financave të tua mund të të sjellë më shumë besim në strategjitë e tua të shpenzimeve dhe kursimeve.

Peshqit

Dërgoje atë aplikim, e-mail ose të paktën bëje një hap për të sqaruar gjërat me të tjerët! Me Merkurin në shenjën tënde, më në fund po ndihesh vetvetja. Javët e kaluara mund të të kenë bërë të ndihesh i/e turbullt ose i/e konfuzuar, por tani po sheh dritën në fund të tunelit. Do të kesh përparim dhe komunikim rreth qëllimeve tua personale. /Telegrafi/