Mënyrat gjeniale të përdorimit të mjaltit në regjimin tuaj të bukurisë

Nga komunitetet e tyre të pabesueshme të koshereve, te mjalti i ëmbël që prodhojnë, te roli integral që ata luajnë në ekosistemin tonë, ne duam gjithçka në lidhje me bletët.

Mjalti nuk është vetëm një shtesë e ëmbël në tasat e mëngjesit, por mjalti është gjithashtu një përbërës i shkëlqyeshëm i regjimit tonë të bukurisë me përfitimet e tij kryesore antibakteriale, hidratuese dhe antifungale.

Më poshtë ua sjellim disa mënyra se si mund të përdorni mjaltin në regjimin tuaj të bukurisë:

Për buzë më të mira: Balsam i ëmbël për buzët

Mjalti bën mrekulli për të qetësuar lëkurën e thatë dhe buzët e copëtuara. Së bashku me dyllin e bletës, është një përbërës i zakonshëm në balsamet dhe maskat që duan buzët. Për të bërë versionin tuaj, përzieni një lugë gjelle mjaltë me tre lugë dyllë blete, dhe tre deri në pesë lugë vaj (mund të jetë vaj bajamesh, jojoba, apo edhe luledielli). Dhe mos harroni, ju po e vendosni këtë në lëkurën tuaj, prandaj sigurohuni që të blini mjaltë të papërpunuar, mundësisht organik dhe lokal.

Për flokë më të mira: Pastrues aromatik

Efektet hidratuese që ka mjalti në lëkurën tuaj mund të jenë të dobishme edhe për flokët tuaj – veçanërisht për majat e thata. Karakteristikat e pasura me lagështi të mjaltit do të rikthejnë butësinë dhe për adhuruesit e produkteve organike të bukurisë, kjo është zgjidhja e duhur. Shpërndani dy lugë mjaltë në një filxhan me ujë të ngrohtë dhe aplikojeni në lëkurën e kokës dhe shpërndajeni nëpër flokë në lëvizje rrethore; lëreni të pushojë si maskë për të paktën dhjetë minuta dhe lajeni. Era e mrekullueshme është vetëm një përfitim shtesë.

Për duar dhe thonj më të mirë: losion i shpejtë

Tani, duhet ta dini këtë përmendësh, mjaltë = lagështi. Pra, nëse lëkura juaj është e thatë ose e copëtuar, vendosni mjaltë mbi të. Kjo vlen edhe për thonjtë dhe duart tuaja. E njëjta maskë që keni përdorur për lëkurë të thatë mund të përzihet me pak vaj kokosi dhe të përdoret në kutikula dhe duar – e përsosur për një trajtim para manikyrit. /Telegrafi/