Mentor Zhdrella zbulon në “Arena e Yjeve” se cilët lojtarë të Llapit kanë oferta

Mentor Zhdrella ka qenë i ftuari i radhës në podcastin “Arena e Yjeve” në Telegrafi, duke rrëfyer shumëçka prej karrierës së tij, por edhe për aspektin e menaxhimit tek Llapi.

Drejtori sportiv i klubit nga Podujeva është pyetur rreth ofertave që mund të kenë lojtarët e ekipit, duke ofruar disa emra.

“Për (Diar) Vokrrin kemi pasur dy oferta. Por, ne kishim nevojë për të në atë kohë, mirëpo edhe ofertat nuk ishin të kënaqshme as për ne e as për lojtarin”, ka thënë fillimisht Zhdrella.

“Ne si klub dihet se nuk i pengojmë lojtarët që të ndërtojnë karrierën e tyre jashtë Kosovës, por që natyrisht se i shikojmë përfitimet tona, mirëpo në fund na intereson edhe karriera e futbollistit”.

View this post on Instagram

A post shared by Telegrafi Sport (@telegrafisport)

“Për (Elvir) Gashianin mund të them lirisht se kemi pasur 3-4 oferta, por i duhet ende kohë për të shfaqur potencialin e tij”.

“Me marr një statistikë rreth 90-95 për qind të lojtarëve që janë shit janë të futbollit të Kosovës ose tash në kombëtaren, shihet se ka brumë, ka talentë – por çka duhet të bëjmë me ta është që t’u besojmë më shumë dhe t’u japim më shumë minutazhë”, ka thënë mes tjerash drejtori sportiv i Llapit.

Nëse dëshironi që ta ndiqni podcastin e plotë me mysafirin e ftuar, më poshtë gjeni linkun e YouTube.

Këtë podcast mund ta ndiqni edhe në TV Dukagjini çdo të shtunë nga ora 18:10, ndërsa nuk do të ishte i mundur pa përkrahjen e sponsorëve Patos dhe DentFix. /Telegrafi/