McGregor akuzohet për sulm dhe sjellje kriminale për incidentin në New York

Conor McGregor është akuzuar për sulm dhe sjellje kriminale pas incidentit në Barclays Center në Brooklyn të New Yorkut.

29-vjeçari është përfshirë në vandalizimin e një autobusi, në të cilin ndodheshin rivalë të tij nga UFC-ja.

Conor McGregor showed up at UFC 223 media day.

By the time he left, there were damaged vehicles. pic.twitter.com/WkTKBnV46I

— SportsCenter (@SportsCenter) April 5, 2018

Disa vedeo të publikuara në rrjetet sociale, e kanë paraqitur irlandezin duke hedhur gjësende të forta drejt autobusit, me ç’rast kanë mbetur të lënduar dy persona.

Lexo po ashtu Të gjitha lajmet për Conor McGregor

McGregor i është dorëzuar vet policisë, pasi autoritetet kishin kërkuar që ta merrnin në pyetje në lidhje me incidentin.

Outrageous from Conor McGregor. pic.twitter.com/IuvlC8uQQI

— Sun Sport (@SunSport) April 6, 2018

Ndërsa tash, autoritetet kanë bërë të ditur se kanë ngritur akuza ndaj McGregor dhe ai duhet të paraqitet në gjykatë.

Gjatë incidentit, Conor ka qenë i shoqëruar nga Artem Lobov dhe disa pjesëtarë tjerë të ekipit të tij. Ditë më parë, Khabib Nurmagomedov dhe ekipi i tij ishin zënë me mikun Lobovin, të cilin Khabib e kishte kapur për fyti.

Po ashtu, dueli ndërmjet Nurmagomedov dhe Max Holloway është caktuar për titullin e peshave të lehta në UFC, i cili iu mor pikërisht këtë javë irlandezit për shkak se nuk ka zhvilluar një meç në UFC që nga nëntori i vitit 2016. /Telegrafi/