Mbrojtësi i Barcelonës dhe mesfushori i Real Madridit vizitojnë një neuro-shkencëtar përpara se t’i kthehen stervitjeve

Mbrojtësi i Barcelonës Jules Kounde dhe mesfushori i Real Madridit Aurelien Tchouameni do të kthehen për t’u bërë rivalë të ashpër brenda pak ditësh, por reprezentuesit francezë kanë kaluar një pjesë të verës së tyre së bashku.

Sipas mediumit Relevo, të dy ndoqën ambientet e LA Galaxy për të ushtruar gjatë verës, ku angazhuan edhe ndihmën e neuro-shkencëtarit për të përmirësuar futbollin e tyre.

Ash Parker ka punuar me disa lojtarë francezë përmes rekomandimeve të mjekut Fabrice Gautier, dhe Tchouameni e Kounde punuan për aftësitë e tyre mendore me të këtë verë.

“Detyra ime është të përmirësoj perceptimin e informacionit që i vjen futbollistit përmes shqisave”.

“Me pak fjalë, për të përpunuar stimujt më shpejt dhe më mirë. Ushtrimet neurologjike janë si të mësoni të ngisni një biçikletë: sapo ta dini, truri juaj nuk harron më”, ka thënë Parker.

❗Jules Koundé has visited neuroscience expert Ash Parker during his stay in Los Angeles. His very good friend Tchouameni is also his client. Both of them ended up in Parker's hands thanks to the relationship he has with their physiotherapist.

Koundé and Tchouameni are training… pic.twitter.com/d2nAKxemJ7

— Barça Buzz (@Barca_Buzz) July 14, 2023

Gjatë kohës së Ole Gunnar Solksjaer në Manchester United si trajner, Parker u soll gjithashtu për të punuar me skuadrën.

Sipas tij, futbollistët janë shumë më të hapur për të përdorur lloje të ndryshme mjetesh për t’u përmirësuar, krahasuar me homologët e tyre të futbollit amerikanë.

Të dy do të kthehen së shpejti si pjesë e turneut të tyre parasezonal me Barcelonën dhe Real Madridin. Ndërsa Kounde pati një sezon të mirë, Tchouameni mund të kishte dëshiruar më mirë pas Kupës së Botës. /Telegrafi/