Mbappe dëshiron të dëgjojë edhe ofertën e Liverpoolit, ri-mendon lëvizjen në Real Madrid dhe qëndrimin te PSG

Ylli i Paris Saint-Germain, Kylian Mbappe dëshiron të dëgjojë ofertën nga klubi anglez, Liverpool, pasi kontrata e tij përfundon në muajin qershor.

23-vjeçari shënoi golin e fitores në minutat shtesë për gjigantët francezë kundër Real Madridit në ndeshjen e parë të ndeshjes së fazës së 16-të të Ligës së Kampionëve në Parc des Princes të martën.

Por, bisedat para ndeshjes u dominuan nga e ardhmja e francezit, i cili është lidhur shumë me një transferim të lirë te gjigantët e La Ligas, Real Madridi, pasi marrëveshja e tij në Francë skadon në verë.

Lexo po ashtu Arrihet marrëveshja mes palëve, Mbappe pajtohet me kushtet e Realit - paga e tij vjetore do të jetë marramendëse

Sipas gazetës Sport, Mbappe ka pasur një ri-mendim ‘radikal’ për të ardhmen e tij pasi ka shënuar atë golin dramatik të vonshëm dhe po i mban të hapura opsionet e tij.

Një nga ato zgjedhje që pretendon mediumi spanjoll është Liverpooli, një ekip që ata pretendojnë se ‘tërheq shumë Mbappen’.

Lexo po ashtu Stafi trajnerëve të Real Madridit tashmë po diskutojnë se ku përshtatet Mbappe në skemat sulmuese

Ky medium shton se trajneri Jurgen Klopp po përpiqet t’i bindë francezin me një projekt sportiv në të cilin ata do të synojnë të fitojnë disa trofe të Ligës së Kampionëve.

Raporti gjithashtu pretendon se përfaqësuesit e tij i kanë ‘hapur derën’ për të qëndruar me PSG-në përtej fundit të sezonit, me parisienët që thuhet se po përgatitin një ofertë të re që ata pretendojnë se është financiarisht ‘pothuajse e parezistueshme’. /Telegrafi/