Mbahet mbledhja e Komitetit për Politikë dhe Financa në Vushtrri, shqyrtohen disa pika të rendit të ditës

 Gjatë ditës së sotme është mbajtur mbledhja e radhës së Komitetit për Politikë dhe Financa në Vushtrri.

Kjo mbledhje u udhëheq nga kryesuesja e Kuvendit të Komunës, Melihate Basholli – Latifi. Në këtë mbledhje morën pjesë anëtarët e komitetit dhe drejtorët e drejtorive komunale, shkruan Telegrafi.

Pikat e rendit të ditës të cilat u shqyrtuan nga anëtarët e Komitetit për Politikë dhe Financa janë:

-Miratimi i Procesverbalit nga mbledhja e Komitetit për Politikë dhe Financa, mbajtur më 15.11.2024;

-Draft-Plani i Punës së Kuvendit të Komunës së Vushtrrisë për vitin 2025;

-Draft-Plani i Punës i Kryetarit – Qeverisë Komunale për vitin 2025;

-Draft-Kodi i Etikës;

-Draft-Plani Komunal për Transport Publik të Udhëtarëve 2024-2028;

-Informatë për shërbimet sociale dhe të asistencës në Komunën e Vushtrrisë;

-Raporti i Punës nga Njësia e Zjarrfikjes dhe Shpëtimit në Vushtrri për vitin 2024;

-Propozim-Vendimi për publikimin e listës së pronave të Komunës së Vushtrrisë për dhënie në shfrytëzim për vitin 2025;

Këto pika të rendit të ditës, pasi u shqyrtuan nga anëtarët e KPF-së do të jenë në rend të ditës në mbledhjen e rregullt të Kuvendit të Komunës. /Telegrafi/